Accessibility links

Breaking News

Balon ap Woule nan KONKAKAF la Jodi a


Foutbòl

Etazini gen chans pou l ranfòse pozisyon nan ekzagonal final la lè lap vizite Trinidad and Tobago nan Port of Spain. Salvador ap jwe kont Kostarika ; Honduras nan tèt klasman-an ak Etazini ak 13 pwen ap rankontre Meksik. Meksik ansanm ak Kosta Rika gen 12 pwen yo chak. Salvador ak Trinidad and Tobago gen 5 pwen yo chak.

Nan match amikal, Afrik du Sud (peyi òganizatè Mondyal 2010-la ) , tonbe 0-1 devan Irland. Eliminatwa zòn Ewòp : Gwo anjeu nan vil Bèlgrad lè Lafrans ki vle evite match baraj ap rankontre ak Sèbi ki bezwen yon viktwa pour jwenn kalifikasyonn.

Toujou an Ewòp, Aswè-a Pòtugal ak Cristiano Ronaldo dwe kale La Hongri si pòtugè-yo vle konsève espwa yo nan faz eliminatwa koup du mond la. Angletèr, kap jwe kont Kwasi, kapab kalifye si l ranpòte la viktwa. Espay ap jwe kont Letoni.

Gran Club Eropeyen yo mande FIFA pou ede yo defann enterè yo nan hing/hang yo genyen ak Komite Olenpik Entènasyonal la pou libere jwè yo pandan je zolenpik Lond 2012 la. Asosyasyon Klub Eropeyen yo, ki reyuni 144 klub nan 53 peyi, vle pou msye Blatter publiye yon deklarasyon kote lap mande tounwa a limite ak jwè ki gen mwens 21 ans.

Komite Olenpik Entènasyonal la vle pou FIFA enclu tounwa Olenpik la nan kalandriye match òganizasyon an ki kapab fòse klub yo libere jwè yo. Opozisyon klub Eropeyen yo fèt akoz tounwa Olenpik la ap dewoule ant Juyè-Out ki pral anpeche yo planifye tounwa pre sezon an epi match kalifikatif pou Lig Eropeyen an.

Balon ap woule tou nan zòn Amerik du Sud-la : Arjantinn (4enan klasman-an ) nan gwo pwoblèm . Li oblije al kale Paragwe nan Asuncion pou evite plis pwoblèm apre defèt albi celeste yo sot subi devan Brezil. Chili an difikulte tou sutou lap jwe kont le Brezil ki déjà kalifye e ki pral jwe san Robinho (blessé) , Kaka, Luis Fabiano, Lucio et Ramires. Yon viktwa chilyèn menm jan ak paragwe ap vle di kalifikasyon.

Natasyon

Federasyon entènasyonal Natasyon an(FINA) anonse pa gen oken tès dròg pozitif pandan 13 zièm edisyon chanpyona du mond Natasyon ki sot dewoule nan vil Wòm. Federasyon an anonse yo fè 391 tès pandan konpetisyon an soti 15 Juyè pou fini 2 Out. Gen 43 rekò du mond ki bat pandan menm periòd la.

Cyclisme

Siklis espayòl Oscar Freire ki ranpòte 3 tit chanpyon du mond anonse lap pran retrèt li nan fen sezon 2010 la apre kontra l ekspire ak ekip Rabobank la. Freire anonse objektif prensipal li se ranpòte yon 4 trièm tit chanpyona du mond. Chanpyona du mond la ap dewoule an Swis soti 23 pou rive 27 Septanb an Swis.

Tennis Sugiyama

Veteran tenis Japonè Ai Sugiyama anonse li kapab pran retrèt li nan fen sezon akoz li glise desann nan klasman mondyal la epi movèz pèfòmans lap renmèt sou teren an. Sugiyama ki gen 34 tran, di apre defèt li subi nan premye tou tounwa tenis US Open nan li pa wè li menm kap retounen sou yon teren tenis ane pwochè n. Sugiyama patisipe nan 62 tounwa tenis Gran Shelem depi li te anbrase karyè pwofesyonèl an 1992. Pi lontan ke nenpòt jwè tenis maskilen ou feminen nan istwa tenis pwofesyonèl.

Tennis/ Etazini

Tounwa Gran Chelem Us Open-nan ap kontinue nan Flushing Meadows(New York) . Kay mesye-yo, match jounen an se swis Roger Federer (1) kap rankontre ak Swedwa Robin Soderling e kwat Novak Djokovitch(4) pral chèche biyè demi-final-li kont Fernando Verdasco(10).

Kay medam-yo Serena Williams ki kale san pwoblèm italyèn Flavia Pennetta an 2 sèt : 6-4, 6-3 pral rankontre ak bèlj Kim Clijters nan yon duèl spesyal. Epi la revelasyon et la sansasyon du tournwa Melanie Oudin ap rankontre Caroline Wozniacki. Pandansetan tou anrejistre yè gwo desepsyon nan tounwa-a avèk elimnasyon Britanik Andy Murray (2) ki tonbe devan Marin Cilic an 3 sèt : 7-5 , 6-2 6-2. Noumewo 3 mondyal-la , espayòl Rafaèl Nadal mete fen nan kanpay TiGael Monfils ke-l kale epi yon lòt fransè Jo-Wilfried Tsonga tonbe devan espayòl Fernando Vedasco.

XS
SM
MD
LG