Accessibility links

Etidyan ak Pwofesè Reyaji Kont Entèvansyon Lapolis Nan Lokal Fakilte Medsin nan


Etidyan fakilte de medsin ak famasi yo reyaji kont operasyon la polis te lanse pou chase etidyan ki te okipe lokal fakilte medsin nan. Benèche Martial, reprezantan etidyan yo nan Konsèy Inivèsite a, di Lavwad'lamerik Lapolis arete plizyè etidyan nan fakilte a. Pòtpawòl etidyan yo di : « Desizyon responsab yo montre klè mepri yo pou revandikasyon etidyan yo. »

Bò kote pa yo, otorite lapolis yo fè konnen yo pa "okipe" lokal fakilte a, jan etidyan yo vle fè kwè sa nan entèvyou yo bay laprès. Pòtpawòl polis nasyonal la, Frantz Lerebours, rejte deklarasyon ki vle fè konprann fòs de lòd ta arete e maltrete kèk etidyan. Komisè Lerebours presize : « Lapolis entèvini nan fakilte a sou demand rektora a.»

Opinyon etudyan ak pwofesè yo depaman sou entevansyon lapolis nan fakilte medsin nan. Kèk pwofesè ki reyaji fè konnen entèvansyon lapolis te nesesè pou fasilite repriz fonksyonman fakilte a ki fèmen depi plizyè mwa.

Etidyan Etnoloji yo manifeste andedan lokal yo lendi 31 out la pou montre solidarite yo ak etidyan fakilte medsin nan. Lapolis ki te sou plas pa entèvini anndan lòkal fakilte etonoloji a.

klike anlè e a dwat paj web la pou'w koute dènye nouvèl yo.

Sit entènèt Fakilte Medsin Inivèsite Deta Dayiti a: http://fmp.ueh.edu.ht/


XS
SM
MD
LG