Accessibility links

Breaking News

Prezidan Obama Salye Defen Senatè Kennedy Kòm yon Kòlèg, Yon Gid, Yon Zanmi


Prezidan Barack Obama pwononse samdi 29 out la orezon finèb Senatè Edward Kennedy: "yon gid e yon ekzanp, non sèlman antanke chanpyon nan domèn politik la, men tou kòm yon nonm plen grandèdam ak konpasyon".

Nan yon orezon prezidan an li pandan seremoni relijjeuz pou defen senatè Massachusetts la nan legliz katolik Notre-Dame du Perpétuel Secours, nan vil Boston, Eta Massachusetts, prezidan Obama di misye Kennedy se pi gran lejislatè generasyon nou an, ki te toujou renmen chèche yon teren antant avèk kòlèg ki pa pataje menm pozisyon avè l'.

Misye Obama deklare "se te tan kote chak advèsè te konsidere youn lòt kòm patrioyòt; se konsa Ted Kennedy vinn tounen pi gran lejislatè epòk nou an. Li reyalize sa pandan li respekte prensip yo, wi, men tou nan chèche konpwomi ak kòz komín."

Prezidan ameriken an chante lwanj tou pou kouraj ak detèminasyon senatè Kennedy--atitid ki te ede l' simonte doulè, trajedi ak pwòp echèk pèsonèl--echèk publik la konnen byen.

Kennedy se te dènye frè Kennedy yo e manm pi aje nan dinasti politik pi selèb Ozetazini an (Fanmi Kennedy a). Lantèman li mennen nan Boston anpil nan lelit politik Washington nan men tou plizyè ansyen prezidan, tankou: Jimmy Carter, Bill Clinton, George W. Bush, san bliye 60 aktyèl senatè epik ki gen nan chanm wot Etazini an ak ansyen lòt lejislatè ki te al asiste sèvis finerè la.

Sèkèy defen Senatè Edward Kennedy te rive samdi apre midi 29 out la pa avyon nan Washington, DC sòt nan Massachusetts. Yon kòtèj motosiklèt ak limouzinn te mennen depouy li fè yon dènye tou lokal Kongrè a (Capitol Hill) anvan li te pran wout Simityè Nasyonal Arlington pou l' ale repoze akote kavo 2 frè li ki te mouri asasinen yo defen prezidan John Fitzgerald Kennedy ak senatè Robert Kennedy.

Edward Kennedy te pase 47 tan nan Sena Etazini an kote yo te ba l' ti non: Lyon liberal; konprann: chanpyon popilis la oubyen ankò popilis ki pa rete ak popilis la; Se nan Sena a tou li te konn soutni anpil kòz ki te konn fè kòlèg konsèvatè li yo fache.

Men, palmantè ki te gen chans kolabore ak Ted Kennedy, chante lwanj pou pi jèn e dènye frè Kennedy yo kòm yon nonm ki, malgre konsepsyon politik diferan li genyen ak kòlèg repibliken li yo, kapab mete sou kote diferans sa yo pou l' chèche solisyon konpwomi sou kesyon enpòtan tankou dwa sivik, swen sante ak edikasyon.

Senatè Edward Kennedy te pran nesans an 1932. Li te eli senatè Massachusetts an 1962 e li desede a 77 tan.

jbjacque@voanews.com

XS
SM
MD
LG