Accessibility links

Breaking News

Pèp Ameriken an Ap Prepare'l Pou Antèman Defen Senatè Edward Kennedy


Ameriken a travè tout Etazini ap rann defen senatè Edward Kennedy yon dènye omaj. Misye Kennedy desede madi swa 25 out la lakay-li nan Eta Massachusetts anba maladi kansè nan sèvo. Li te gen 77 tan.

Defen Senatè a, rann dènye soupi l nan rezidans li, nan Pò Hyannis, yon ti vilaj bò lanmè, nan Eta Massachusetts. Ted Kennedy--- youn nan lejislatè pi ansyen nan Chanm Wot Etazini an e pi enfluyan nan istwa peyi Etazunite reprezante Eta sa a nan Sena a depi 1962.

Prezidan ameriken an, Barack Obama, ki di kè l ap dechire devan lanmò sa a, konsidere Edward Kennedy kòm youn nan pi gran senatè epòk nou an. Li ajoute, Kennedy se te defansè yon rèv. " Lè a rive pou vi ekatròdinè l sou tè a fini. Sa k' ta pi bon an se ta pou l kontinue viv."

Prezidan Obama panse Lèzetazini kapab pa janm wè yon nèg konsa ankò: "Ide-l ak ideal-li mete sou yon pakèt istwa ki make la vi plizyè milyon kretyen vivan".

Nan deklarasyon misye Obama fè, li di klèman lanmò Kennedy reprezante yon pèt pou li pèsonèlman. "Pandan ane ki sòt pase la yo, mwen te gen onè rele Teddy—ti non yo te bay senatè a—yon kòlèg, yon konseye e yon zanmi. E malgre nou te konnen jou sa a tap vini, nou tap tann ni ak yon gwo laperèz.

Vandredi nan aswè publik la ap gen okazyon wè sèkèy defen an nan yon sèvis prive. Nan samdi, kò ansyen senatè a ap ekspoze nan Bazilik Pèpetuèl Sekou a nan Boston, kote prezidan Obama ap gen pou l delivre mesaj sikonstans la nan antèman an.

Nan samdi, yap depoze rès senatè Kennedy nan Simetyè Nasyonal Arlington nan toupre Washington akote tonm ansyen Prezidan Kennedy ak tonm lòt frè li a, ansyen senatè Robert Kennedy.

XS
SM
MD
LG