Accessibility links

Pwogram Lib Tribin VOA Sou Relans Ekonomik la Ozetazini


Ekonomi amerikèn nan montre kèk siy ki fè wè lap rekanpe sou 2 pye l’, malgre se premye siy yo sèlman. Antretan, kontinye gen kè sote pami ekspè yo sou ogmantasyon dèt nasyonal la.

Youn nan bon nouvèl ki tonbe nan jou ki sot pase yo, se amelyorasyon endis konfyans konsomatè yo. Ekonomi Etazuni depann a plus ke 60 pousan de konsomasyon sitwayen yo. Acha ya p’ fè, lè endis la monte, tankou sa fèt nan mwa out la, se yon siy ke plis moun gen espwa nan relans ekonomi an.

Oganizasyon yo rele Conference Board la, ki gen baz li nan New-York, rapòte ke endis pa li a, pou konsomatè yo, monte nan 54 pwen 1, tandiske an juyè li te 47 pwen 4. Direktris sant rechèch sou konsomasyon nan Konsèy sa a Lynn Franco fè konnen publik la rekomanse repran konfyans. Men toujou gen kè sote. Men sektè finansye a ak ekspè ekonomik yo di se yon siy ankourajan.

Lot bon nouvèl, se pri kay ki sanble remonte nan dezyèm trimès la. Maureen Maitland, ki travay pou oganizasyon Standard and Poor deklare nouvèl pozitif yo parèt nan selman yon trimès. Men senp yon kout je sou dènye chif yo fè wè kapab gen yon sòt de stabilite nan mache imobilye a kounye a.

Bès pri kay yo te reprezante yon gwo faktè nan tout traka ekonomi amerikèn nan ap pase depi lane 2007. Efondreman finansye ane 2008 la te soti, anpati, nan yon pakèt ipotèk ki te rete nan men bank yo paske kliyanyo pat ka peye.

Tankou 2 envite nou nan pwogram Dyaloge ak Etazini jodi a (Ekonomis Harry Fouché ak Pierre-Marie Boisson) fè remake l’, tout varyasyon ki fèt nan ekonomi amerikèn nan pral gen yon enpak sou lòt peyi ki depann de Etazini oubyen ki lye avèk li akoz echanj komèsyal yo. Ayiti se youn ladan yo.

Pou plis detay sou dosye sa a, ale sou ralonj ki anwo, adwat paj la.

XS
SM
MD
LG