Accessibility links

Nominasyon Doktè Paul Farmer Kòm Adjwen Anvwaye Spesyal L'ONU an Pou Ayiti


Anvwaye Spesyal L’ONU pou Ayiti a, ansyen prezidan Bill Clinton, nonmen Doktè Paul Farmer, kòm adjwen li nan misyon sa a. Yon nòt-pou-laprès ki soti nan biwo Msye Clinton fè konnen Doktè Farmer pral apiye Prezidan Clinton e li pral responsab pou pwogrè travay kap fèt chak jou sou teren an. Anvwaye Spesyal la di, “angajman dezenterese Paul nan konstwi sistèm sanitè nan kominote defavorize ann Ayiti pandan 20 ane ki sot’ pase yo, bay plizyè milyon moun espwa ke Ayiti ka gen yon pi bèl avni.”

Apre nominasyon Doktè Paul Farmer a, Prezidan ayisyen an, René Préval, salye chwa sa a, dapre nòt ki soti nan biwo Msye Clinton nan, e lidè ayisyen an di, "Doktè Farmer toujou yon bon zanmi pèp ayisyen an depi plizyè lane. Mwen swete travay ak Prezidan Clinton, ak Doktè Farmer, e tout zanmi Ayiti, nan kad efò pou kreye nouvo anplwa, kore sèvis de baz yo, konstwi enfrastrikti, e ogmante pwosperite tout fanmi nan peyi a.”

Pòs Anvwaye Spesyal L’ONU pou Ayiti a te kreye nan mwa jen 2009 la pou fasilite devlòpman ekonomik ann Ayiti epi ede gouvènman ayisyen an egzekite priyorite li fikse pou peyi a.

XS
SM
MD
LG