Accessibility links

Breaking News

Lis Lig Chanpyon KONKAKAF la Konplete


KONKAKAF/ Foutbòl

2 zièm tou lig chanpyon KONKAKAF la rapousib yè swa ak kalifikasyon klub Trinidadyen San Juan Jabloteh ki danse sou klub Panameyen San Francisco Foutbòl klub ak yon viktwa 3 a 0. Klub Panameyen Arabe Unido ranpote yon viktwa tou mens 1 a 0 devan klub Onduryen Olenpya epi dènye match pou sware a Real Espagna de Onduras pase klub Kosta Riken Liberya Mia yon swif 6 a 0.

Apre dènye rankont Jedi 6 Juyè a group yo konpoze konsa. Nan group A a nou jwenn Isidro Matapan, Arabe Unido, Houston Dinamo ak Pachuca. Group B a nou jwen DC United, CD Marathon, San Juan Jabloteh ak Toluca. Group C a Columbus Crew, Cruz Azul, Deportivo Saprissa ak Puerto Riko Islanders. Group D nou jwen CSD Commmunicaciones, Pumas UNAM, Real CD Espagna ak W Connection.

Faz group la ap kòmanse 18 Out e lap fini le 22 Oktòb, lè 2 premye nan chak group ap kalifye pou kar de final la.

Foutbòl / Eròp

Klub foutbòl Arsenal ap rankontre Celtic Glasgow pou yon plas nan pwochen faz Lig chanpyon Eropeyen an. Unyon Foutbòl Eropeyen an fè tiraj osò jodi a pou tounwa repechaj la ak patisipasyon 20 klub. Klub sa yo se klub ki te pi byen klase nan gwo lig foutbòl Eropeyen yo sezon pase a ak 5 chanpyon lig 2 zièm divizyon.

Pami lòt rankont yo nou jwen Sporting de Lisbòn kont Fiorentina. Panathinaikos kont Atletico de Madrid. Olympic Lyonè kont Anderlecht epi klub woumen Timisoara kont Stuttgart. Match ale a fikse pou pou 18 e 19 Out epi match retou a ap jwe 25 e 26 Out. 10 venkè yo pral konplete lis 32 klub kap fè pati konpozisyon lig chanpyon Eropeyen an. Tiraj osò ap dewoule le 27 Out nan vil Monako.

Nou prale tou dwat sou mache transfer-a an europ. Barcelòn prete Juventus aryè santral- li a Martin Carceres pou yon lane. Juventus gen posibilite pou-l fè Barcelone yon òf 11 milyon Euro plis yon bonus pou urugueyen-an ki gen 22-an ki te pase yon ti bout tan nan Villareal san li pa janm jwe boul.

Juska prezan, Tottenham ak Arsenal pa ko janm fè yon of pou entenasyonal franse-a Patrick Vierra kap evolye nan Inter-de Milan. Bagay yo pa finn mache two byen pou Vierra. Antrene franse-a Raymond Domeneck pa konvoke l nan match elimatwa France-Zile Feroe.

Toujou sou mache transfè-a, jèn Foutbolè Ayisyano-ameriken, Jozi Altidor, jwenn yon kontra 1 an nan Hull City klub premyè divizyon lig Foutbol anglè-a pou nouvèl sezon -an. Altidore di li kontan anpil e li kwè stil foutbol lap jwe-a pi adapte a lig anglè ke lig espayol-la.

Altidore tap evolye nan MLS-la (lig foutbol balon won ameriken-an) New-York Red Bulls. Altidore te jwe pou seleksyon amerikèn-nan te fè gwo enpresyon nan koup konfederasyon Afrik du Sud-la nan mwad jwen pase-a.

Tenis

Tèt de seri numewo 1 tounwa tenis Legg Mason nan ameriken Andy Roddick kalifye pou kar de final tounwa a kap dewoule isit Washington apre li pase konpatriòt li Sam Querrey 7-6, 6-4. Sa fè Roddick 500 tièm viktwa li ranpòte nan karyè l. Nan kar de final la Roddick pral rankontre Kwa Ivo Karlovic ki te bezwen 2 manch pou l kale endyen Somdev Devvarman 7-5, 6-1.

Lòt jwè ki kalifye pou kar de final se arjanten Martin del Potro, alman Tommy Haas, chilyen Fernando Gonzalez, Swedwa Robin Soderling, ameriken John Isner ak Tchèk Tomas Berdych.

Tounwa tenis Los Angeles antre nan faz kar de final yo. Tèt de seri numewo 14 tounwa a chinwa a kapote numewo 1 mondyal la Rus Dinara Safina pou l rankontre nan kar de final la Ostralyen Samantha Stosur ki elimine ansyen chanpyon roland garos-la, serb Anna Ivanovich 6-3, 6-2.. Italyen Flavia Panetta pral rankontre Rus Vera Zvonareva. Panetta te kale rus Nadia Petrova an 2 set (6-2, 6-4) pou-l te jwenn kalifikasyon-li.

Zvonareva te elimine almand Yanina Wickmayer an 3 sèt (7-6, 4-6, 6-4). Polonèz Ursula Radwanska ak Igniezska Radawnska jwen kalifikasyon yo tou.Tounwa Los Angeles se youn pami tounwa chofe jaret avan dènye tounwa Gran Shelem 2009-la, US Open nan ki pral dewoule nan Flushing Meaddow, New-York 31 out kap vini-an.

Federasyon Enteansyonal Tenis ak Ajans mondyal antidopaj deside pousuyiv kont jwe tenis fransè, Richard Gasquet, ki teste pozitif pou utilizasyon kokayin. 2 enstans sa yo mande tribunal Abitraj Spò a pou pwononse-l sou dosye Gasquet-a ki pap prezan nan tounwa ATP Montreal-la kap komanse samdi.

Baskètbòl

Lib Basketbol pwofesyonel ameriken-an, NBA, suspan elye polivalan Orlando-a, Rashard Lewis pou 10 match apre yon kontwol anti-dopaj ki pwouve basketè-a te gen yon to testosteron two eleve nan kò-li. Lewis fè konnen li ta konsome yon supleman alimantè san li pa menm realize vitamin sa a te gen yon susbans NBA entèdi.

XS
SM
MD
LG