Accessibility links

Breaking News

Klub Trinidadyen W Connection Kalifye pou Pwochen Tou a


Foutbòl / KONKAKAF

Nan lig chanpyon KONKAKAF la klu b Trinidadyen W Connection kalifye pou etap group lig chanpyon KONKAKAF la gras ak 2 gòl Andre Toussaint make pou ede ekip la kale New York Redbulls 2 a 1 nan East Rutheroford, New Jersey yè swa. 2 ekip yo te fè match nul 2 a 2 nan match ale a nan Trinidad and Tobago. Klub Meksiken Cruz Azul kalifye pou pwochen faz la apre match nul 0 a 0 li fè ak klub Kosta Riken Herediano. Nan match ale a Cruz Azul te bimen Herediano ak yon skò san zapè l 6 a 2.

Konpetisyon an ap rapousib aswè a lè klub Panameyen Arabe Unido ap rankontre klub Onduryen Olinpya. Klub Trinidadyen San Juan Jabloteh kont klub Panameyen San Francisco epi Real Espagna de Honduras kont klub Kosta Riken Liberya.

Tennis

Chilyen Fernando Gonzales kalifye pou 3 zièm tou tounwa tenis Classic Legg Mason nan kap dewoule isit Washington. Gonzalez pase kolonbyen Alejandro Falla 2 kout rakèt 7-5, 7-5. Espayòl Tommy Robredo pèdu devan konpatriòt li Juan Carlos Ferrero 6-3, 6-2 pou l al rankontre alman Tommy Haas.

Numewo 1 tenis mondyal feminen an Rus Dinara Safina kalifye pou 3 zièm tou tounwa tenis feminen Los Anjeles nan Kalifòni apre viktwa an 2 manch li ranpòte devan Slovak Daniela Hantuchova 6-2, 6-4. Safina pral rankontre ak chinwa Zheng Jie ki elimine Rus Elena Vesnina 6-4, 4-6, 6-0.

XS
SM
MD
LG