Accessibility links

Yon Sèzyèm Rekò Tonbe nan Chanpyona du Mond Natasyon an


Natasyon

Nan mondyal Natasyon-an kap dewoule nan vil Wom ann Itali , najè-yo gentan bat 16 nouvo rekò sa ki reprezante yon rekò pa rapò ak Mondyal Melbourne-nan an Ostralie sa gen 2 zan. Dènye rekò sa-a , 16e nan , se travay amerikèn Mary Descenza nan 200 mèt papiyon. Descenza touche mu-an nan 2 minut4-pwen-14 segond. Ansyen rekò-a te nan men chinwaz Liu Zige, rekò li te bat nan jeu Zolempik Peken-yo.

Tennis

Tenis o feminen : Nan tounwa Bank of West Classic-la kap dewoule nan Stanford , Kalifòni ,. Madi swa , Serena ak Venus Williams respektivman tèt de seri numewo 1 e 2, ranpòte la viktwa. Chanpyon Wimbledon-nan ( an palan de Serena ) kale chinwaz Li Na, an 2 sèt 6-3, 7-6 . Lòt sè-a ( Venus---2) elimine kanadyèn Stephannie Dubois an 2 sèt 6-2, 6-3 .Sèb Jelena Jankovic (4) kale amerikèn Angela Haynes, an 2 sèt 6-3, 6-1. Fransèz Marion Bartoli (8) mete deyò Ayumi Morita moun peyi Japon an 2 sèt : 7-6, 6-3.

Federasyon tenis Swis la anonse Roger Federer ap reprezante peyi l nan okazyon match group mondyal la kont Itali an Septanb.

Foutbòl / Eròp

Nan stad Santiago Bernabeou ann Espay , Real madrid kale La Liga de Quito 4-2 pou-l kalifye pou demi-final Koup de Lapè-a . Pòtugè Christiano Ronaldo, foutbolè ki pi chè-a , make sou penalite premye gòl-li pou Real Madrid. Jouventous de Turin kalifye tou apre viktwa 3-0 li pòte devan Seongnam.

Feyton sou dosye fransè Frank Riberry rete toujou byen cho . Merkredi 29 Juyè , Prezidan donè Bayern de Munik-la Frantz Becken-bauer ouvè pòt-la pou Ribéry ale a kondisyon Real bay ... à condition que le club aquéreur 94 millions d'euros preske menm jan ak Christiano Ronaldo . Men mou n pa konnen si Kaiser-a tap pale nan non-l ou byen nan non klub-la.

Klub foutbòl franse Olenpik de Marseille ap jwe premye rankont chanpyona premyè divizyon franse nan yon lòt stad apre 2 travayè mouri an stad Velodrom nan nan kòmansman Juyè a. Responsab yo anonse rankont kont Lille la ap jwe nan Montpellier le 16 Out. Klub foutbòl Marseille espere retounen nan stad Velodròm nan le 30 Out lè lap rankontre FC Bordeaux.

Alvaro Arbeloa siyen yon kontra ak Real Madrid pou 4 milyon euro. Real Madrid ta dwe pase yon vitès superyè konsè nan Xabi Alonso, pou anviwon 30 millions d'euros. Florentino Perez, prezidan klub le veut absolument.

Foutbòl/Etazini

Kèk rezulta match ale Lig Chanpyon Concacaf-la : FC Patchuca kale Jalapa 3-0 ; DC United fè match nul 1-1 ak klub Salvadoryen Luis Angel Firpo. Match retou-a fikse pou 4 out.

Foutbòl/ Brezil

Brezil , numewo 1 nan klasman FIFA-a , ap pran avyon mwa pwochen an pou li ale Tallin kote-l pral jwe yon match amikal ak Estoni. Pi fò nan brezilyen ki sot ranpòte Koup Konfederasyon-yo ap fè vwayaj sa-a . Rankont-la ap dewoule le 12 out ---rankont ki ap dènye soti Brezil anvan li rankontre ak rival sud-ameriken-lan Arjantinn nan kad eliminatwa Mondyal 2010-la .

XS
SM
MD
LG