Accessibility links

Breaking News

Meksik Retounen nan Peyi l ak Koup Dò KONKAKAF la


Foutbòl/ KONKAKAF

Gwo wikenn foutbòl Ozetazuni . Dabò nan final Koup dò Concacaf-la,devan preske 80 mil spektatè nan Giant Stadium –nan nan New Jersey , Meksik van-nen Etazuni 5-0 pou-l ranpòte konpetisyon-an. 2 ekip sa-yo ap gen pou rankontre nan vil Meksik nan kad eliminatwa Mondyal 2010-la ann Afrik du Sud.

Foutbòl/ Obama

Prezidan FIFA-a , Sepp Blatter ki te prezan nan okazyon final sa-a , ap tou pwofite rankontre ak prezidan ameriken-an Barack Obama. Mesye Blatter di lap tou pwofite ernvite lidè ameriken-an nan Mondyal 2010-la ann Afrik du Sud. Numewo 1 FIFA-a presize ke lap abòde ak responsab ameriken-an , kandidatu Etazyuni pou-l ta òganize Mondyal 2018 ou 2022-a ak fason pou foutbòl-la pran plis pye Ozetazuni.

Foutbòl/ Eròp

Nan menm dimanch yè-a toujou isiot Ozetazuni ann Eta Massachusetts, nan kad tounwa defi foutbòl mondyal-la , Inter de Milan kale 2-0 rival-li nan Calcio-a Milan AC.Nan vandredi swa devan anviwon 71 mil spektatè nan Baltimore , Eta Maryland, Tchelsi te kale Milan Ac 2-1.

Foutbòl / Eròp

Mache transfer-a sou kontinan ewopeyen-an toujou nan aktualite-a. Poko gen yon pwen final pou fransè Davi Trezeguet. Responsab Jouventous ta renmen-l rete, men si li dwe kite , li pa pral jwe nan lòt klub italyen· Vagner Love , atakan brezilyen kap jwe nan CSK Moscou, ke yo te anonse nan Lyon an Frans , gen atire atasyon responsab klub Stouggart. Klub alman-an gen zyeu tou sou Alavaro Negredo (Real Madrid) ak Claudio Pizarro (Chelsea)

C’est confirmé : Olempik de Marseille ta dwe siyen jodi lendi-a yon kontra un an ak Fernando Morientes ak Fabrice Abriel . Responsab maseyè-yo ap prezante ofisyèlman 2 jweè-yo demen madi-a . Epi akò ant defansè ajanten Gabriel Heinze ak Real Madrid-la , gen lè pa mache akoz twòp ekzijans o nivo salè . Si Heinze pa konsidere egzijans li-yo alabès , li pap kapab nan ekip Manuel Pellegrini-a , an palan de antrenè Real-la . Kamerounè Samuel Eto’o rive jodi lendi-a nan vil Milan ann Itali. Eto’o dwe pase tès medikal-la avna li siyen kontra 5 kan-an ak Inter de Milan.

Cyclime/ Tour de France

Ann Ewòp ann Frans, se te klotur Tour de Frans-la ki konsakre , pou yon 2e fwa afile , siklis espayòl Alberto Contador kòm chanpyon devan ameriken Lance Armstrong, 7 fwa chanpyon Tour de Frans ki fè yon gran retou kote li fini kous-la an 3e pozisyon. Armstrong gen 37 tan. Luksanboujwa Andy Schleck fini 3e. Men se britanik Mark Cavendish ki ranpòte 21e e dènye etap-la kote li antre an triyonfatè nan vil Pari.

Tenis/ Eròp

Nan tenis , Nikolay Davydenko ranpòte tounwa Hambourg-la gras ak viktwa-l an final sou fransè Paul-Henri Mathieu an 2 sèt 6-4, 6-2,. Konsa rus-la , 12e mondial, ranpòte 15e tit ATP-l.Viktwa sa-a fè Davydenko retounen nan Top Ten-nan nan klasman ATP-a ki soti jodi-ai an 9e pozisyon devan espayòl Fernando Verdasco e dèyè fransè Gilles Simon.

XS
SM
MD
LG