Accessibility links

Evazyon Foumi Voras nan Rejyon Grand'Anse, nan Sidwès Peyi Dayiti


Majistra kominal vil Chambellan, nan Depatman Grand'Anse (sidwès Ayiti) lanse apèl pou mande otorite responsab yo nan Depatman agrikilti fè kichòy pou ede abitan nan rejyon li an fè fas ak sa ki sanble yon envazyon foumi aloufa kap devore tout bagay yo jwenn sou wout yo.

Majistra Vidal Chevalier di foumi yo agresif, yo peple rapid e yo anvayi yon zòn anvan ou bat je ou. Dapre misye Chevalier foumi yo devore plant, touye bèt gadinay (tankou kabrit, bèf, chwal) e timoun piti pa alabri.

Korespondan nou Luckner Laguerre te pale ak majistra kominal vil Chambellan an mèkredi 22 jiyè a nan Jérémie.

Yon premye pa franchi pou Site Solèy, pi gwo bidonvil ki genyen alantou kapital ayisyen an, Pòtoprens, genyen pwòp santral elektrik pa li. Konstriksyon santral sa a, ki dwe demare anvan lontan, kapab dire ant 12 ak 18 mwa.

Yon lòt kote, Sèvis Kreyòl la aprann peyi Dayiti genyen kapasite pou'l depiste, detekte e konfime tès pou viris A H1N1 ki bay maladi grip pòsin nan. Donald François, manm Komite suivi sou viris grip pòsin nan fè deklarasyon sa a nan mikwo Jean-Pierre Leroy.

NB:Nou ka koute devlopman nouvèl sa yo ak lòt ankò sou ralonj ki anwo e adwat paj wèb la.

XS
SM
MD
LG