Accessibility links

Konferans-pou-laprès Prezidan Obama sou Pwojè Refòm nan Sistèm Swen-Sante a o Zetazini.


Isit Washington, nan yon konferans-pou-laprès Prezidan Barack Obama bay mèkredi swa nan La Mezon Blanch, li di refòm nan sistèm swen-santé a o Zetazini se yon priyorite e Kongrè a ta dwe apwouve yon plan sou refòm sa a anvan l ale an vakans nan mwa dout la. Daprè lidè ameriken an, plan sa a pa gen anyen pou l wè ak politik e lidè tou lè 2 pati yo ta dwe wè bagay yo konsa. Sitasyon:

"Sa konsène tout fanmi, tout biznis e tout kontribyab ameriken ki kontinye pote sou zèpol yo yon chay Washington te dwe elimine depi plizyè dizèn dane deja. Pou ameriken sa yo, deba sa a se pa yon jwèt e yo pa kapab tann pi lontan toujou pou refòm fèt nan sistèm nan.

Prezidan Obama akize lidè repibliken yo nan Kongrè a deske yap jwè yon jwèt politik ak kesyon an aprè o-mwen youn nan lidè sa yo te pale pou di, si yo rive bloke plan refòm nan, sa pral debouche sou ruin prezidans Obama a. Sepandan, lidè minorite repibliken an nan Sena a, Mitch McConnell, fè konnen sa k enterese pati li a, se pa politik, men bon jan politik piblik. Senatè McConnel di : « Nou pa swete pou pèsonn moun malad. Sa nou vle, se yon politik piblik ki kòrèk. »

Lè yon jounalis te poze prezidan Obama kesyon pou mande l poukisa li fikse yon echeyans, --sètadi yon tan-limat. fen mwa dout la-- pou Kongrè a apwouve plan refòm li a, li te defann pozisyon sa a konsa :

«Si ou pa fikse yon dat-limit nan vil sila a, anyen pap fèt. Konpòtman tradisyonèl la se absans aksyon, se rete san fè anyen. Paske, lè ou fè yon bagay, gen moun sa deranje.

Se premye gwo konferans-pou-laprès prezidan Obama bay kote jounalis yo pa poze l kesyon sou politik entènasyonal Lèzetazini.


Jdesmara@voanews.com

XS
SM
MD
LG