Foutbòl/ KONKAKAF
Koup dò KONKAKAF la ap kontinye jodi a lè Jamayik ap rankontre Kosta Rika epi El Salvador fas a Kanada.
Demen Mèkredi a isit Washington seleksyon nasyonal Ayiti a ap rankontre la Grenad epi Etazini kont Onduras.
Foutbòl/ Etazini
2 ansyen foutbolè ameriken Cat Whitehill ak Leslie Osborne ap retounen nan seleksyon feminen an kap jwe 2 match amikal kont Kanada nan mwa Juyè a. Premye rankont la fikse pou 19 Juyè nan Rotchester New York epi Charleston South Carolina 3 jou apre.
Foutbòl/ Eròp
Bayern de Munick mande 80 milyon dola si Real Madrid ta vle jwen sèvis Franse Frank Ribbery. Delè a fikse pou 16 Juyè menm jou antrenman yo ta dwe kòmanse. 80 mil fanatik te reyuni nan stad Santiago Bernabeu a pou akeyi nouvo vedèt Real Madrid Pòtugè Cristiano Ronaldo.
Òganizatè match tout vedèt ant FC Barselòn ak yon seleksyon entènasyonal tout vedèt di FIFA te anile rankont la kit e dwe jwe 4 Juyè pou rezon ke yo pa kapab eksplike.
Cyclisme/ Tour de France
Siklis Britanik Mark Cavendish ranpòte pou yon 2 zièm fwa afile etap kous bisiklèt Tour de Frans la malgre Swis Fabian Cancellara toujou nan tèt klasman jeneral la ak 33 sekond. Ameriken Lance Armstrong klase 3 zièm nan klasman jeneral la.