Accessibility links

Swis Roger Federer an Final pou yon 7 tièm fwa


Tennis/ Wimbledon

Swis Roger Federer kalifye pou final tounwa tenis Wimbledon nan apre li wouze Alman Tommy Haas, ki pa tèt de seri tounwa a, ak kout rakèt 7-6, 7-5, 6-3. Federer, kap chache yon 15 zièm tit gran shelem nan karyè l, tounen premye jwè tenis ki kalifye 7 fwa afile nan final tounwa a. Federer, ki ranpòte tounwa a 5 fwa ap rankontre lòt venkè semi final la ant ameriken Andy Roddick ak Britanik Andy Murray. Ekosè a ap chache tounen premye britanik ki ranpòte tit Wimbledon nan depi 73 zan.

Samdi Juyè final feminen an ap mete fas a fas sè Serena ak Venus Williams pou yon 2 zièm ane afile. Meda m yo pap kapab konte sou supò papa yo ki retounen Ozetazini.

Baskètbòl

Cleveland Cavaliers prezante Shaquille O’Neal bay fanatik yo ak espwa li pral ede ekip la ranpòte yon tit chanpyon nasyonal NBA a.

Foutbòl / UEFA

Otorite foutbòl Eropeyen yo aprouve nouvo mezi pou konbat konpòtman rasis pami fanatik yo.. Mezu yo bay abit yo otorite pou abandone yon match kòm dènye rekou. Dapre nouvo règleman yo abit la kapab sispann match la tanporèman epi mande fanatik sispann pwopo rasis yap lanse yo-si l pa reyusi abit la kapab sispann match pou 5 a 10 minit pandan li mande jwè yo abandone teren an. Si l pa reyusi abit la kapab tèmine rankont la. Règleman yo antre an aplikasyon imedyatman

XS
SM
MD
LG