Accessibility links

Breaking News

Rus e Ameriken nan Semi Final Tounwa Wimbledon nan


Tennis / Wimbledon

Tounwa tenis Wimbledon-nan kontinue . Kay medam-yo , Venus Williams ki ranpòte 2 dènye edisyon an , kalifye pou demi-final apre viktwa fasil-li sou sou polonèz Agnieszka Rad-wanska: 2 sèt a 0 : 6-1, 6-2. Venus ap chèche tounen premye fi apre Steffi Graf ki ranpòte konpetisyon sa-a 3 fwa youn dèyè lòt. Vénus Williams ap rankontre nan semi-final la, numewo 1 mondyal-la rus Dinara Safina ki li-menm elimine almand Sabine Lisicki an 3 sèt : 6-7, 6-4, 6-1. Lòt kalifye pou semi-final se rus Elena Dementieva (4) ki kalifye san pwoblèm pou semi-final la. Li kale italyèn Francesca Schiavone an 2 sèt : 6-2, 6-2. Dementieva ap rankontre nan semi-final Serena Williams ki kale Victoria Azarenka, moun peyi Belarus an 2 sèt : 6-2, 6-3.

Koup Davis/ USA

Ameriken Andy Roddick James Blake epi Bob ak Mike Bryant ap reprezante Etazini nan kar de final koup Davis la fas a Kwasi dapre anons kapitèn ekip ameriken an Pat McEnro fè yè Lendi a. Match la fikse pou Juyè. Venkè seri match kapab rankontre Arjantin ou byen Repiblik Tchèk nan semi final la an Septanb pwochen.

Foutbòl/ Chelsea/ UEFA

Klub foutbòl Angle Chelsea lanse yon apèl nan sa l konsidere penalite ekzajere Unyon Foutbòl Eropeyen kont klub la epi suspansyon kont Didier Drogba ak Jose Bosingwa apre match semi final kontwovèse lig chanpyon Eropeyen an fas a FC Barselòn. Foutbolè Chelsea yo te move tankou kong apre rankont la apre abit la te refize yo plizyè penalite.

Unyon Foutbòl Eropeyen an frappe Chelsea yon amand 138 mil dola akoz yo pat rive kontwole konpòtman foutbolè yo ak piblik la. Drogba resevwa yon suspansyon 6 match, Bosingwa ki te trete abit la pandan yon entèviou kòm magouyè resevwa yon suspansyon 4 match.

Foutbòl / Transfè

Nan rubrik transfè ann ewòp Dosye Eto’o , butè kamerounè kap jwe nan Barsa rete tou louvri paske entènasyponal-la ekzije plis pase 15 milyon dola nan kontra Barsa ak Manchester City. Barsa ofri Eto’o pou pwolonje kontral pou 2 zan ankò.

entènasyonal brezilyen Kaka ki sot ranpòte Koup konfederasyon an ak Brezil rive jodi madi-a nan vil Madrid kote li pase tès medikal-la . Responsab madrilèn-yo prezante ofisyèlman Kaka bay fanatik-yo nan stad Santiago Bernabeou.

Defansè brezilyen Roberto Carlos, kap jwe nan Fenerbatche ap bay boul toujou. Ajan-l-lan ap negosye ak Al Rayyan , yon klub Katar pou plis pase 5 milyon dola chak ane.

Foutbòl/ UEFA

Nan Malmo an Swèd, ekip espwa Almay-la van-nen Angletè 4 a 0 pou l ranpòte chanpyona foutbòl Eropeyen

Foutbòl/ FIFA/ Afrik du Sud

FIFA bay òganizatè koup konfederasyon Sud Afriken yo 7.5 sou 10 pou konpetisyon an. FIFA fè konnen gen anpil pwoblèm ki dwe rezoud avan koup du mond la dewoule an 2010. Pami pwoblèm yo FIFA site transpò pou jounalis yo ki pat bon pandan dewoulman Koup Konfederasyon an ajoute ak lojman pou vizitè yo. Msye Blatter di li kapab bay komite òganizatè yon 8 sou 10 si disi tiraj osò faz final la nan Cape Town le 4 Desanm pifò pwoblèm yo rezoud.

Baskètbòl/ Yao Ming

Karyè Basketè chinwa Yao Ming menase pou l fini si zo ki kase nan pye goch li pa geri. Dapre doktè kap trete Yao Ming nan basketè a kapab rate pwochen sezon an. yao Ming ap jwe nan Houston Rockets.

XS
SM
MD
LG