Accessibility links

Breaking News

Etidyan Diferan Fakilte Nan Pòtoprens Desann Nan Lari Ankò Madi


Madi 9 jen 2009, byen bonè nan maten, etidyan Inivèsite Deta Dayiti pran lari ankò nan kapital la, Pòtoprens, pou reklame liberasyon rès kamarad yo otorite jidisyè yo kenbe an "retansyon".

Lapolis te arete plis pase yon ventèn vandredi pase apre yon seri vyolan ki pwovoke afwontman ant fòs sekirite ak inivèsitè yo. Lendi, otorite yo te libere 6. Men selon etidyan yo ta genyen 16 ki toujou an detansyon. Mouvman pwotestasyon an / ki tanmen depi semèn pase / entèvni malgre plizyè pèsonalite politik te envite etidyan yo kanpe mouvman pwotestasyon an.

Madi, prezidan Sena ayisyen an, Kelly Bastien, kondane vyolans yo e 'l mande otorite lajustis yo libere etudyan yo pou "prezève stabilite peyi a".

Senatè Bastien deklare tou ke "etidyan yo gen dwa manifeste pou kore yon revandikasyon sosyal", men li di li kwè manifestasyon pwotestasyon pou aplikasyon lwa sou salè minimòm nan (ki ta dwe sòt nan 70 pou pase a 200 goud) "pa jistifye" paske delè pou piblikasyon dokiman an poko pase.

Pou fini, prezidan sena a envite pati konsène yo tanmen yon bon jan dyalòg pou debloke sitiasyon an.


XS
SM
MD
LG