Accessibility links

Breaking News

Sekretè Deta Hillary Clinton Mande Mizerikòd Pou 2 Jounalis Amerikèn Kore Di Nò Kondane


Lèzétazini deklare 2 jounalis fi ameriken Kore Di Nò kondane a 12 zan travo fòse lendi 8 jen an, inosan, e ke Pyongyang ta dwe libere yo imedyatman. Daprè medya leta nò-koreyen an, lajustis rekonèt 2 medam yo (Euna Lee ak Laura Ling) koupab anba akizasyon deske yo ta komèt yon gwo krim ke yo pa presize e ke yo te antre nan Kore Di Nò ilegalman.

Sekretè Deta Hillary Clinton egzòte Kore Di Nò grasye 2 jounalis yo. Clinton di Lèzetazini ap eseye itilize tout filyè posib pou l' jwenn liberasyon amerikèn yo.

Gouvènman Obama a eseye separe ka 2 travayèz laprès yo ak pwoblèm pi grav li genyen ak Kore Di Nò--pami yo: dènye tès nikleyè Pyongyang nan--e li lanse apèl pou mande liberasyon yo sou baz imanitè, kounye a ke faz pwosè tout pòt-fèmen an bout.

Pòtpawòl Mezon Blanch Robert Gibbs di 2 jounalis yo inosan e ke otorite nò-koreyèn yo ta dwe remèt 2 medam yo bay fanmi yo san pèdi tan. Manm fanmi 2 jounalis yo lanse yon apèl publik pou mande Pyongyang libere Euna Lee ak Laura Ling.

Sòlda lame Kore Di Nò te arete Euna Lee ak Laura Ling, nan mwa mas 2009, nan moman yo tap reyalize yon repòtaj tou pre fwontyè ki separe Lachinn ak Kore Di Nò a.

XS
SM
MD
LG