Accessibility links

Prezidan Obama Sedui Mizilman yo Nan vil Lekèr Ann Ejipt


Prezidan Etazini an Barack Obama ap fè yon vire-won enpòtan sou kontinan ewopeyen an ak nan rejyon Mwayen-Noryan an. Diskou li pwononse nan inivèsite Lekèr la, peyi Ejipt, reprezante yon moman enpòtan nan vwayaj sa a.

Prezidan Obama--ki mansyone rasin li--lanse yon apèl pou yo ekri yon paj tou nèf nan relasyon Washington ak mizilman toupatou nan lemond.

Lidè ameriken an, ki resevwa yon akèy chaje ak chalè nan inivèsite Lekèr la, fè lwanj pou gwo kokenn kontribisyon kilti mizilman an nan sosyete amerikèn nan.

Nan okazyon diskou sa a, mesye Obama te abòde plizyè kesyon cho e enpòtan tankou lagè Irak ak Afganistan an / san bliye / dosye pwopagasyon zam nukleyè a. Pou anpil obsèvatè, diskou sa a mete fen nan politik ansyen prezidan Bush te aplike nan rejyon an pandan 8 ane manda l la.

NB: Koute repòtaj Jacquelin Bélizaire ak Lyonel Desmarattes sou gran pwen diskou prezidan Obama a sou ralonj ki anwo e adwat paj wèb la.

.

XS
SM
MD
LG