Accessibility links

Breaking News

Akvitite Spòtif nan KONKAKAF la


Foutbòl/KONKAKAF

Seleksyon kap patisipe nan koup dò KONKAKAF la kontinye ap prepare yo pou konpetisyon an kap dewoule isit Ozetazini nan kòmansman mwa Juyè a.

Samdi 30 Me a, seleksyon nasyonal Jamayik la ap rankontre seleksyon nasyonal Salvadoryen an, isit Washington, pou yon match chofe jarèt. Salvador ap sèvi ak rankont sa-a kòm match preparasyon pou eliminatwa koup du mond 2010 Afrik Di Sid-la pou zòn KONKAKAF la e pou konpetisyon koup dò KONKAKAF la. Jamayiken yo, ki sot fè match nul 2 a 2 ak Ayiti, semen pase, nan Fort Lauderdale (an Florid) pral chache korije erè yo te komèt pandan rankont sa a. Mèkredi 27 Juyè a Salvador remonte yon defisi pou l kale Ekwatè 3 a 1 nan Los Anjeles, kalifòni nan yon kad yon match amikal entènasyonal. Kanada ap rankontre Chipr Samdi 30 Me a.

Antrenè seleksyon nasyonal ayisyen an, Kolonbyen Jairo Rios Rendon, di rankont sa-a pèmèt li gen yon ide sou preparasyon seleksyon an:”Mwen kwè Ayiti te jwe yon bon match fas a Jamayiken yo. Atakan-yo te menase Jamayiken yo an plizyè okazyon akoz fason yo te jere balon. Sepandan nou pat pwofite ase lè yo tap jwe ak 10 jwè sou teren-an. Nou pa twò satisfè ak rezulta nul 2 a 2, e publik la vrèman te asiste yon bèl rankont. »

Msye Jairo di match la, ba-li opòtinite pou li dekouvri e travay sou pwen fèb seleksyon an e sou plan teknik e taktik. « Nou pa janm satisfè---menm lè mwen te renmen pèfòmans Ayiti renmèt fas ak Jamayiken yo.Yo te pratike yon foutbòl ki te chaje ak enèji. Nap fè pwogrè dousman, menmsi nou rekonèt travay la pa fasil. »

Seleksyon-an dwe konplete lis jwè yo disi 10 Jwen. Ayiti gen 5 match amikal pou l’ jwe. 2 O Kanada, youn an Ayiti kont Panama, epi 2 lòt ki poko konfime.

Seleksyon nasyonal la konvoke 12 jwè ayisyen kap jwe a letranje --5 pami yo ap evolye nan diferan chanpyona Eropeyen---4 jwè nan lig football ameriken an(MLS), youn kap soti an Ekwatè e 2 lòt kap evolye nan lig foutbòl Martinik la.

Ayiti fè pati group B a ak Etazini, La Grenad ak Onduras.Group sa a ansanm ak lòt group yo ap deplase de yon vil ak yon lòt ap jwe chak match yo nan yon vil diferan. Gen 13 vil ameriken kap akeyi konpetisyon an.

Pa ekzanp nan group B a Ayiti ap jwe premye match li nan Seattle Washington le 4 Juyè fas a Honduras avan yo vini isit Washington le 8 Juyè pou rankontre la Grenad. Answit group sa a ap monte Foxborro tou pre vil Boston le 11 Juyè kote yo gen pou rankontre Etazini.

Nan group A a ki gen landan Kanada, Kosta Rika ak Jamayik ap jwe nan Los Anjeles, Kalifòni, Kolonbus, Ohio epi Miami Florid. Group C a ap jwe nan Oakland, Kalifòni, Houston Tekzas ak Phoenix, Arizona. Premye tou pratikman group yo ap deplase de yon vil ak yon lòt.

Kar de final la ap jwe nan menm fòma a nan Philadelphia, Pensilvani ak Dallas, Tekzas epi Semi final la ap jwe nan Chikago, Illinois epi final la ap jwe nan stad New York Giant la nan New York , New York 26 Juyè.

Responsab yo nan KONKAKAF la sot òganize yon rankont 3 jou pou pèsonèl ki pral travay pandan dewoulman 10 zièm edisyon koup dò KONKAKAF la ki dewoule chak 2 zan. Patisipan yo te tande entèvansyon responsab yo, chèf antrepriz komèsyal kap patwone konpetisyon an, plan ak mach a swiv yo dwe obsève pandan 23 jou konpetisyon an ap dure-a soti 3 pou rive 26 Juyè. Chak vil ap akeyi 4 seleksyon kap gen pou jwe 2 match. Responsab yo bezwen 2 vòl charter pou transpòte anviwon 200 manm delegasyon yo, kò abitraj la, pèsonèl KONKAKAF la.

3 nouvo klub kalifye pou koup Lig Chanpyon KONKAKAF la kap dewoule ane pwochè n. Klub Meksiken Pachuca ak Pumas, Klub Salvadoryen Chalatenango epi Real Stelli yon klub Nikaragwa ap tann pou konnen si wi ou non KONKAKAF ap aprouve stad peyi a. 16 klub ap divize an 8 group kap jwe 2 match ale/retou. Venkè yo pral rejwenn 8 tèt de seri yo pou fòme 4 group de 4.

XS
SM
MD
LG