Accessibility links

Breaking News

Sekretè-Jeneral Nasyonzini an, Ban Ki-moon, Nonmen Bill Clinton Anvwaye Espesyal li An' Ayiti


Sekretè-jeneral Òganizasyon Nasyonzini an (ONU) Ban Ki-moon nonmen ansyen prezidan ameriken Bill Clinton kòm anvwaye espesyal li an' Ayiti.

Pòtpawòl-adjwen LONU an, Marie Okabe, deklare nominasyon sa a fèt pou plizyè rezon: "nominasyon sa a chita sou le fèt mesye Clinton travay anpil sou dosye Ayiti a lè l te nan Lamezon Blanch e tou dènyèman an lè li te lanse apèl anfavè yon aksyon pou ede Ayiti nan fondasyon'n lan (Clinton Global Initiative) Inisyativ Mondyal Clinton nan an Septanm 2008".

Mesye Ban presize, ansyen prezidan an pral travay pou pote yon estabilite dirab ak asistans pou lite kont lamizè nan peyi karibeyen an.

Yon lòt kote, sekretè-jeneral Ban Ki-moon fè konnen li gen konfyans mesye Clinton pral ede mobilize apui kominote entènasyonal la anfavè Ayiti, pou ede nan rekonstriksyon peyi sa a e ede l' rekanpe sou 2 pye l. Lèzetazini fè konnen li byen akeyi nominasyon ansyen prezidan Clinton kòm anvwaye espesyal Nasyonzini an'Ayiti.

Ki enpòtans chwa yon pèsonalite politik tankou Bill Clinton kòm anvwaye espesyal Sekretè-jeneral LONU an ann' Ayiti?

Se kesyon Jacquelin Belizaire te poze Dr. Frantz Antoine Leconte. Mesye Leconte, yon analis politik ayisyen, panse se yon desizyon saj anfavè Ayiti.

NB: Fè yon klik sou ralonj ki anwo, adwat paj web la pou n' tande kòmantè doktè F. A Leconte.



XS
SM
MD
LG