Accessibility links

Dirijan Latino Ameriken yo Ap Tann Pou Yo Rankontre Prezidan Obama


Sekretè-jeneral Oganizasyon Eta Ameriken yo, José Miguel Insulza, di li klè ke nan senkyèm Somè Amerik yo kap tanmen 17 Avril 2009 la nan Trinidad & Tobago tout atansyon pral fikse sou nouvo prezidan ameriken an.

Li di ”prezidan Obama, se pral sant atraksyon evèman sa a”.

Mesye Miguel Insulza (kap reprezante Dyalòg Entè-Ameriken an) ap pran pa envite nan diskisyon yo antanke e li fè konnen yon gwo majorite pami chèf dEta yo manifeste anpil enterè pou yo rankontre pou premye fwa ak mesye Obama.

Sekretè jeneral OEA a, deklare dirijan yo espere aprann plis sou plan nouvo chèf Mezon Blanch lan genyen pou emisfè a, epi boukante lide avèk li atravè yon dyalòg pèsonèl.

Mesye Insulza ki fenk sòt fè yon virewon nan 6 peyi Amerik Latin nan--virewon ki genyen rapò ak Somè a--di “enterè majorite prezidan latino-ameriken ak lidè nan Karayib la se devlope relasyon dirèk e pi transparan ak prezidan ameriken an.

Pami patisipan kap nan rankont sa a, gen sekretè Deta adjwen Pou Afè Emisfè oksidantal yo, Thomas Shannon ak konseye espesyal Mezon Blanch pou Somè Amerik yo, Jeffrey Davidow.

Tou 2 responsab yo di sa'k enpòtan pou Lèzetazini nan Somè Amerik yo, se “devlope dyalòg”, men yo ajoute kriz ekonomik mondyal la pral nan mitan deba yo, kote yo pral diskite tou anviwonnman ak sekirite nan domèn enèji.

XS
SM
MD
LG