Kè-Sote Lidè Mondyal yo Devan Kriz Ekonomik la - Opinyon Obama, Gordon Brown ak Ban Ki-moon

Sitiyasyon ekonomik la o Zetazini e atravè lemond, kontinye bay lidè ameriken yo ak dirijan divès peyi ak òganizasyon entènasyonal anpil kè-sote. Se konsa prezidan ameriken an, Barack Obama,

pran lapawòl preske chak jou pou l bay lidè kongrè a an patikilye, e pèp ameriken an an jeneral, detay sou plan administrasyon n nan genyen pou l fòse yon relans ekonomik pi bonè ke pi ta. Pa egzanp, jodi jedi 6 mas 2009 la, minis trezò a, Thimoty Geithner, gen pou l eksplike diferan pwen ki nan plan relans sa a nan yon rankont kap dewoule nan Washington.

Se konsa tou, yè mèkredi a 2 gwo otorite mondyal --Premye Minis britanik la, Gordon Brown, ak Sekretè Jeneral l'ONI an, Ban Ki-moon-- te bay yon konferans pou laprès nan New York kote yo fè konnen espwa yo plase nan Somè G-20 an ki pral dewoule nan vil Lond nan dat 2 avril 2009 la. Yo tou lè 2 espere lidè ki pral patisipe nan rankont ekonomik sa a va genyen yon atansyon espesyal pou peyi ak pèp pòv yo, pandan y ap chache kèk solisyon global pou youn nan pi gwo kriz ki frape ekonomi mondyal la depi plizyè dizèn dane.

Pou w koute detay sou nouvèl sa a, klike sou lyen anlè a, adwat