Accessibility links

Bill Clinton Mande Kominote Entènasyonal la Pa Vire Do Bay Ayiti


Ansyen prezidan ameriken Bill Clinton ak sekretè jeneral Nasyonzini an, Ban Ki-moon, boukle sou yon nòt optimis vizit 24 trè'd tan yo tap fè Ayiti a. De diyitè e òm politik yo kwè Ayiti genyen chans pou'l konnen sa yo rele pwosperite a. Mesye Clinton, ki te genyen avèk li pou vizit sa a yon delegasyon antreprenè ak òm dafè, siyale potansyalite peyi a genyen pou envestisè e pou li menm tou (Ayiti) pwospere. Bill Clinton di li enterese depi twa dizèn lane nan sitiasyon Ayiti, e se premye fwa li kwè peyi sa a genyen chans pou l' sòti nan toubiyon lamizè a e mete fen nan eritay gouvènman kraze-zo kap komèt abi yo.

Yon mwa anvan konferans peyi donatè yo nan Washington, DC, mesye mande kominote entènayonal la bay gouvènman ayisyen an èd dirèk gouvènman a gouvènman pou adminitrasyon Préval-Pierre-Louis a ka gen lajan pou l' envesti e kreye travay atravè peyi a.

Sekretè jeneral Ban Ki-moon ak Bill Clinton ekzòte gouvènman ayisyen an pwofite klima favorab ki ekziste kounye a pou l' bay Leta jarèt epi santre atansyon li sou devlopman sosyal e ekonomik Ayiti.

Fè yon klik sou ralonj ki adwat atik sa a pou repòtaj Clarens Renois sou sijè sa a. Apre, nou va koute reyaksyon pòtpawòl Konsèy Elektoral Pwovizwa a, Frantz Bernardin, ki di KEP a pa pral ekzekite jijman yon tribinal refere pwononse anfavè Pati Fanmi Lavalas, paske tribinal la pa konpetan nan domèn sa a.

XS
SM
MD
LG