Accessibility links

Lavalas Anonse Yon Manifestasyon Devan Ayewopò Toussaint Louverture Pandan Vizit Sekretè Jeneral Nasyonzini an, Ban Ki-Moon


Pati politik ansyen prezidan Jean-Bertrand Aristide la, Pati Fanmi Lavalas, anonse yon manifestasyon devan ayewopò entènasyonal Toussaint Louverture pou 9 mas kap vini la a nan okazyon vizit ansyen prezidan Etazini, Bill Clinton, ak sekretè-jeneral L'Onu an, Ban Ki-Moon dwe tanmen jou sa a nan kapital ayisyen an, Pòtoprens. Manifestasyon an ap antre nan kad mouvman mobilizasyon Fanmi Lavalas lanse pou pwoteste kont desizyon Konsèy Elektoral pwovizwa a pou ekate kandida Lavalas yo nan eleksyon senatoryal pasyèl 19 avril yo paske kandida sa yo te prezante sou banèy 3 faksyon Pati a e san manda ansyen prezidan Aristide, jan lwa entèn Pati Lavalas ekzije'l la.

Korespondan nou Jean-Max Blanc genyen detay sou ralonj ki mache ak atik sa a, anlè, adwat paj-web la. Se menm jan tou nou ka koute sou ralonj sa a avèk Clarens Renois Konsèy Elektoral la ki renouvle angajman li pou 'l òganize eleksyon senatoryal yo jou ki fikse a: 19 avril, malgre sèten pati politik pa kache kè sote yo devan sa yo rele "lenteur" pwosesus la

Sou yon plan ki gen pou wè plis ak ekonomi, reprezantan Caritas nan Karayib la reyini depi 2 jou pou diskite sou konsekans kriz finansye mondyal la genyen sou peyi nan rejyon an. Pami moun kap patisipe nan woumble a, gen ekonomis e pwofesè ayisyen Paul Latortue. Li te pale ak Lavwadlamerik atravè kolabaratè nou. Jean-Pierre Leroy.

NB: Pa bliye ale sou ralonj ki anwo-adwat paj la pou koute devlopman pwen sa yo.

XS
SM
MD
LG