Accessibility links

Breaking News

Prezidan Obama Fè Premye Diskou li Devan 2 Chanm Kongrè Ameriken an


Teknikman se pat yon Diskou sou Eta Inyon an, men se tou kòm puiske, tankou laprès te anonse l, ou te ka jwenn nan mesaj Prezidan Barack Obama delivre devan 2 Chanm Kongrè a, tout eleman ki nan diskou anyèl sou eta peyi Etazini an.

Se premye diskou Prezidan Obama devan 2 chanm Kongrè a, yon diskou ki te gen 2 gwo chapit: kriz ekonomik la ak politik entènasyonal. Men anvan nou antre nan detay, nap di se te yon sware teyat politik tou pi nan Kapitòl la, kote Depite ak Senatè te rasanble ak anpil antouzyasm pou yo akeyi Chèf Leta a. Msye Obama te kòmanse pa di ke publik-sib li se pa sèlman Kongrè a.

Li di, "Mwen vin isit la aswè a, pa senpman pou m’pale ak mesyedam distenge ki nan gran asanble sa a, men pou m’pale franchman e direkteman ak sila yo ki ban nou djòb sa a."

Prezidan Barack Obama pat ezite dekri reyalite trè sonb ekonomi an, yon reyalite li di ki pran rasin nan atitid gouvènman pase yo. Msye Obama pale konsa: "Nou tap viv nan yon epòk kote, twò souvan, nou te chwazi avantaj rapid olye de pwosperite pou plizyè lane; kote nou pat wè pi lwen ke pwochen pèyman an, pwochen trimès la ak pwochen eleksyonan."

Sepandan, Prezidan an te touche yon nòt lespwa; Li di malgre kriz la di anpil, se pa sa ki dwe detèmine destine nasyon an.

Ou ka koute yon ranmase sou diskou Prezidan Obama a, ak repons Pati Repibliken an, si ou tcheke ralonj ki anwo, adwat paj la.

XS
SM
MD
LG