Accessibility links

Bilan  2zyèm Jou Kanaval la nan Pòtoprens: 1 Moun mouri 109 Blese


Yon kretyen-vivan pèdi lavi li e 100 lòt blese pandan dezyèm jou kanaval la nan kapital ayisyen an, Pòtoprens. Chif sa a vinn fè kantite blese yo rive 262 depi dimanch 22 fevriye a. Jean-Pierre Leroy te kolekte bilan pwovizwa sa a bò kote pòtpawòl polis nasyonal la, Gary Desrosiers.

Yon lòt kote, nan vil Cap-Haïtien, Yvan Martin Jasmin enfòme gad-kòt Lèzetazini menen tounen nan vil Okap 214 imigran ilegal ---pami yo, 30 timoun ki poko menm gen 12 zan--- ke yo te ranmase sou lanmè. Ayisyen sa yo lanse apèl pou mande otorite yo "asistans" pou ede yo fè fas ak pwoblèm lavi chè ki te oblije yo pran chimen lanmè pou al chèche yon lavi miyò lòtbò dlo.

Pou fini, korespondan Sainlus Augustin, aprann nou depi Hinche ke Direksyon Polis Nasyonal la nan vil sa a koumanse fè demach pou l' wè si Direksyon Jeneral Polis Nasyonal la ta bati kèk sou-komisarya tou pre fwontyè ki separe Ayiti ak Repiblik Dominikèn nan.

Ale sou ralonj ki adwat atik sa-a, anwo paj wèb la pou devlopman tout lè 3 pwen sa yo.

XS
SM
MD
LG