Accessibility links

Dènye Etap Eliminatwa Koup du Mond la Demare


Foutbòl/ KONKAKAF

Meksik ak Honduras kilbite nan ekzagonal final KONKAKAF la apre defèt 2 a 0 yo subi devan Etazuni ak Kosta Rika respektivman. Ameriken yo ranpòte la viktwa nan Kolonbus Ohio apre da m la pli ak move tan te manke gate rankont la.

Sa fè 9 vièm viktwa sou yon total 11 rankont a domisil Etazuni ranpòte devan Meksik depi lan 2000. Rezulta a montre tou pwogrè football ameriken an fè konpare ak archi rival li Meksik ki te kontwole zòn KONKAKAF la pandan lontan.

Pwochen jounen an, ki fikse pou 28 Mas, pral enpòtan pou Meksiken yo kap akeyi Kosta Rika. Se yon rankont kap detèmine avni antrenè Swedwa Sven Goran Ericksson nan tèt seleksyon Aztèk la. Apèl déjà ap lanse pou antrenè a mete kò l akote. Apèl sa yo ap lanse nan moman kesyon ap poze pou konnen pou konnen si wi ou non Ericksson kapab ede Meksiken yo kalifye pou faz final koup du mond la.

Etazuni kapab ranfòse pozisyonn nan group la lè lap jwe an deplasman lakay Salvador ki gen 1 pwen. Trinidad and Tobago, ki gen yon pwen ap akeyi Honduras ak 0 pwen pral lakay.

Yon lòt kote federasyon football ameriken an anonse vil kote lap jwe pwochen rankont yo. Ameriken yo ap akeyi Honduras nan Soldier Field la nan Chikago Illinois le 6 Jwen, Salvador nan Utah 5 Septanb epi Kosta Rika nan Washington DC le 14 Oktòb.

Mèkredi 11 Fevriye a Arjantin kore efò antrenè Diego Maradona gras ak yon swif li pase la Frans 2 a 0 pou pèmèt El Pibe de Oro(Maradona) ranpòte 2 zièm viktwa afile depi lip ran nan moman albi celeste yo ap pare pou eliminatwa koup du mond Afrik du Sud la pou zòn Amerik du Sud la.

Pa gen moun ki te pi byen kontan Mèkredi 11 Fevriye a pase angle David Beckham ki jwe 108 tièm rankont li pou egalize Bobby Moore kòm jwè ki jwe plis rankont pou seleksyon an eksepte gadyen Bobby Shalton ki jwe 125 rankont. Angletè pèdu rankont la 2 a 0 devan Espay ki poko subi oken defèt a domisil depi 2006.

Etazini/ Beckham/ Milan AC

Responsab lig football ameriken an Don Garber bay Milan AC yon delè juska demen Vandredi 13 Fevriye pou jwen yon antant ak Los Anjeles Galaksi sou transfer footballè Angle David Beckham. Beckham, ki siyen yon kontra 5 kan pou 32 milyon edmi dola ak Lig football Ameriken an an 2007, te manifeste entansyon pou l jwe nan Milan AC kote lap antrene depi fen sezon MLS la.

Foutbòl / Eròp

Yon konpayi finansye publiye lis 20 klub ki pi rich sou tè a a pati de enfòmasyon ki disponib an Jwen 2008. Real Madrid nan tèt lis la ak 576 milyon dola, Manchester United, F C Barselòn, Bayern de Munik, Chelsea konplete lis 5 premye yo. Tout 20 klub yo eksepte klub Turk Fenerbahce, ap evolye nan 4 pi gran chanpyona Eropeyen an.

Afrik du Sud/ Koup du Mond

Minis Finans Sud Afriken an, Trevor Manuel, fè konnen gouvènman an ap ajoute 48 milyon dola nan fon pou konstruksyon stad ki pral akeyi koup du mond 2010 la. Responsab la di gouvènman an kapab depanse plis pase 1 milya 200 milyon dola nan bati stad sèlman. Msye Trevor di gouvènman an ap envesti 1 milya 100 milyon dola pandan 3 pwochen ane yo pou swa konstrui ou byen amelyore sèvis transpò publik ak sistèm otobus-la pou fanatik ak rezidan ki pral asiste koup du mond la. Responsab la anonse pral gen plis pase 21 mil polisye pandan 3 pwochèn ane yo pou garanti sekurite nan peyi a.

Je Zolenpik 2016

Vil Tokyo, Japon ak Chikago soumèt kandidatu pou akeyi je zolenpik dété a an 2016. Dokuman plizyè santé n paj la gen enfòmasyon sou budjè, enstalasyon spòtif yo, garanti gouvènman an, lojman, sekurite ak transpò. Lòt vil ki kandida yo se Madrid, Rio de Janeiro. Komite a seleksyone vil kap akeyi konpetisyon an 2 Oktòb nan Copenhag an Danmak.

Komite a ap dépêche 13 enspektè diferan ap vizite chak vil ki poze kandidatu yo. Chikago ap resevwa vizit enspektè yo soti 4 pou rive 7 Avril. Yon lòt group enspektè prale nan Tokyo soti 16 pou rive 19 Avril, Rio de Janeiro 29 Avril o 2 Me epi Madrid du 5 o 8 Me. Answit vil pral prezante plan yo devan manb komite a an Jwen ak yon prezantasyon final le 2 Oktòb avan komite anonse vil kap akeyi konpetisyon an.

Je Zolenpik/ Lond 2012

Komite òganizatè Je Zolenpik Lond 2012 yo revele plan pou yo utilize stad prensipal la, apre konpetisyon an. Dapre pwojè-a, stad 80 mil plas-la pral loje yon lekòl sekondè ki pral resevwa apeprè 500 elèv… e chak ane yo va òganize konpetisyon atletism nan lokal-la. Konstruksyon Stad la ka koute juska 790 milyon dola ; men apre yo pral redui kapasite-li a 25 mil plas apre je zolenpik 2012 yo.

Tennis

Match de baraj koup konfederasyon an fikse pou 25 e 26 Avril. Nan group Mondyal la, Espay ap rankontre Sèbi tandiske Slovaki pral rankontre ak seleksyon Franse-a, nan peyi Lafrans. Almay ap akeyi la Chin epi Ukrèn ap fè yon kout pye lakay Arjantin. 4 venkè yo ap kalifye pou jwe nan group mondyal la an 2010.

Nan 2 zièm group mondyal la, la Bèljik ap akeyi Kanada, Izrayèl kont Letoni. Japon pral jwe lakay Lapolòy epi la Swis ap pran chimen Ostrali pou+l al tope kòn-li ak seleksyon ostralyen-an. Venkè yo ap kalifye pou 2 zièm group mondyal la, e pèdan yo pral jwe nan group rejyonal 1 an.

XS
SM
MD
LG