Accessibility links

Breaking News

Konsèy Elektoral Pwovizwa a ekate 16 Kandida Fanmi Lavalas: Eksplikasyon Prezidan KEP a, Frantz Gérard S. Verret, 


Konsèy elektoral Pwovizwa a bay 39 kandida pou eleksyon senatoryal pasyèl 19 avril kap vini an move kanè vandredi 6 fevriye pase a. Pami 39 sa yo genyen 16 ki te prezante sou banyè 2 branch Pati Fanmi Lavalas ansyen prezidan Jean-Bertrand Aristide la. Desizyon sa a pwokove etonnman kay obsèvatè ak analis yo kap mande eske Konsèy Elektoral la reyalize enpak desizyon sa a kapab genyen, yon pa, sou kredibilite li, e yon lòt pa, sou tout pwosesis elektoral la li menm. E tankou moun te ka atann li, kanè kandida Lavalas yo resevwa a pwovoke endiyasyon ak kòlè manm ak sipòtè Pati yo konsidere kòm Pati pi popilè nan peyi Dayiti a. KEP a aksepte 65 kandida sou 104 ki te enskri e ki kalifye, dapre lis li pibliye a, pou patisipe nan eleksyon senatoryal 19 avril la. Responsab Konsèy Elektoral pwovizwa a fè konnen 39 kandida ki "remis à leur parti respectif yo" pa repon ekzijans atik 44.d, 44.e, 93 et 94 lwa elektoral la". Jean Robert Philippe te pale ak prezidan KEP a, Frantz Gérard S. Verret.

Antretan, peyi zanmi Ayiti yo, an patikilye, Lèzetazini, Canada, La France, Òganizasyon Eta Ameriken (OEA) eksprime kè sote ak enkyetid yo sou "kanè" KEP a bay kandida sa yo. Lèzetazini di: istwa Eta demokratik ki reyisi yo demontre eleksyon onèt e demokratik pa janm ekate moun men pito fèt ak tout moun.

Bò kote pa li, lidè Koalisyon Alyans Demokratik la, Evans Paul, ki pap patisipe nan pwochen eleksyon kritike ni desizyon Konsèy Elektoral Pwovizwa a, ni deklarasyon piblik reprezantan peyi zanmi Ayiti yo--deklarasyon maladwat li di ki reprezante yon "entorse à la diplomatie" e ki sanble yon enjerans (yon foure bouch) nan zafè enteryè Ayiti.

Klike sou ralonj ki anwo, adwat atik sa a, pou'n koute reyaksyon sa yo.

XS
SM
MD
LG