Accessibility links

Breaking News

Rapò Ayisyano-Ameriken: Rankont ant Sekretè Deta Hillary Clinton ak Prezidan René Préval nan Washington


Nan Washington, Sekretè Deta ameriken an, Hillary Clinton, resevwa Prezidan ayisyen an, René
Garcia Préval, jedi 5 fevriye a nan Depatman Deta kote 2 ofisyèl yo pale sou relasyon ant Lèzetazini ak Ayiti. Yon deklarasyon pòtpawòl Depatman Deta a pibliye aprè chita-tande ki fèt ant chèf diplomasi amerikèn nan, fè konnen Lèzetazini vle travay ak Ayiti nan moman peyi karayib la kontinye ap mache sou wout demokrasi ak kwasans ekonomik. Nòt la fini pou di:

"Prezidan Obama pataje angajman Madam Clinton pran pou l ede Prezidan Préval travay nan enterè pèp ayisyen an."

Lidè ayisyen an twouve l o Zetazini pou yon vizit kote, antwòt, li te patisipe nan yon dejene-priyè nan La Mezon Blanch nan dat 4 fevriye pase a. Misye Préval genyen pou l bay yon konferans pou laprès nan jounen vandredi 6 fevriye a anvan li kite Washington.

XS
SM
MD
LG