Accessibility links

Breaking News

Pozisyon Prezidan Barack Obama sou Retrè Kandidati Tom Daschle pou Pòs Minis Sante a: "Mwen te Komèt yon Erè."


Prezidan ameriken an, Barack Obama, bay divès chèn televizyon entèvyou kote li rekonèt li te fè yon erè lè l te chwazi ansyen senatè Tom Daschle pou okpe pòs Minis Sante Piblik la. Misye Obama pale ak jounalis yo madi 3 fevriye a, aprè misye Daschle te pran desizyon, nan mitan jounen an, pou l wete kandidati li pou pòs la. Rezon ansyen senatè Dakota di Sid la bay, sè ke li te pran anpil reta pou l peye plis pase 100 mil dola taks sou lajan li te fè, e li pa vle kesyon laprès ak divès sektè te kòmanse poze sou reta sa a, tounen yon distraksyon pou Administrasyon Obama a, sitou aprè nouvo Minis Trezò a, Timothy F. Geithner, te gen pou l reponn kesyon difisil kongrè a pou yon pwoblèm menm jan (taks li pa t peye a-tan) anvan li te jwenn konfimasyon Sena a. Deklarasyon Prezidan Obama sou sitiyasyon Daschle la --menmsi li di li aksepte desizyon ansyen senatè a avèk regrè:

"Mwen panse mwen te komèt yon gaf; mwen te fè yon erè."
"Mwen pa vle gouvènman m nan voye yon mesaj kòmkwa nou genyen 2 pwa, 2 mezi."
"Sa k enpòtan an, se pa pou pèsonn pa janm fè erè; men se pou w depase erè sa yo e eseye pa repete yo."
"Nou pa kapab pran chans jwe jwèt politik tradisyonèl la nan moman eta ekonomi an kontinye deteryore."

Pou plis detay sou seri entèvyou Prezidan Obama bay laprès madi 3 fevriye 2009 la, klike sou lyen anlè a, adwat.

XS
SM
MD
LG