Accessibility links

Avèk 75 Vwa Pou e 21 Kont, Sena Ameriken an Apwouve Chwa Eric Holder pou Pòs Minis Jistis Lèzetazini



Nan yon vòt ki dewoule lendi 2 fevriye a, Sena ameriken an konfime chwa Prezidan Barack Obama pou pòs minis jistis la, Eric Holder, ki te sèvi kòm asistan minis jistis sou administrasyon Bill Clinton nan. Lè sa a se Madam Janet Reno ki te nan tèt Depatman Jistis la. Yon gwo majorite senatè (75 kont 21) vote pou kore desizyon komisyon jiridik Gran Kò a te pran, semèn pase a, pou l rekòmande tout sena a bay yon vòt pozitif an favè kandida a. Konsa misye Holder tounen premye nwa-ameriken k ap dirije depatman an. Sena a te ranvwaye seyans konfimasyon misye Hopler la paske Senatè repibliken John Cornyn te vle kandida a bay asirans li pa p pouswiv an jistis ajan sekrè Lèzetazini ki te sèvi ak teknik ki nesesè pou yo jwenn enfòmasyon nan men moun yo sispèk kòm teworis, jan sa te fèt kèk fwa sou administrasyon Bush la (teknik kèk palmantè ameriken denonse). Pandan seyans komisyon jiridik la te òganzie sou nominasyon Eric Holder la, misye te di kareman li konsidere teknik konsa kòm move tretman e menm kòm zak kraze-zo --donk, yo ilegal, daprè li).

Pou plis detay sou vòt kote senatè ameriken yo apwouve nominasyon Eric Holder kòm nouvo minis jistis Lèzetazini, nan dat 2 fevriye 2009 la, klike sou lyen anlè a, adwat.

XS
SM
MD
LG