Accessibility links

Breaking News

Konsèy Sekirite L'ONU an Vote Yon Rezolisyon Sou Pirat Somalyen yo


Konsèy Sekirite L’ONU an vote "à l’unanimité" (donk san okenn opozisyon) anfavè yon rezolisyon ki otorize peyi-manm yo konbat pirat nan Somali, sou tè, nan lèzè e sou lanmè. Sekretè-deta Condoleezza Rice te dirije delegasyon amerikèn nan pou vòt sila a, yè madi a:

Madam Rice di, “Konsèy Sekirite-a adopte Rezolisyon 18-51 ki se yon rezolisyon trè fèm, ki pale de arestasyon, anprizònman, ak pwosè pirat yo, epi kapasite pou nou itilize tout mwayen nesesè, atè tankou sou lanmè, paske listwa pwouve nou ke nou pa ka takle pwoblèm sa a sou lanmè sèlman."

Sekretè-deta ameriken an di moman an rive pou kominote entènasyonal la konsidere demand Inyon Afrikèn nan te fè pou L’ONU voye yon misyon lapè nan Somali.

Zak pirat bò lakòt peyi Somali (sou yon afè de 3-mil kilomèt) tounen yon pwoblèm grav paske pirat yo deja sezi plis pase 40 bato ak manm ekipaj yo, pou yo reklame gwo mago lajan kòm ranson.

Pou w ka tande repòtaj sa a, fè klik sou ralonj ki anlè atik la.

XS
SM
MD
LG