Accessibility links

Breaking News

Echèk Yon Plan pou Sove Endistri Otomobil la nan Sena Ameriken an


Isit o Zetazini, malgre efò lidè demokrat yo deplwaye nan Sena a, gran kò a pa rive vote yon plan pou ede endistri otomobil la kap fè fas ak gwo difikilte avèk kantite vwa ki nesesè pou plan an ale devan Prezidan Bush pou siyati epi pou l antre an aplikasyon. 3 gwo konpayi ki fabrike machin nan peyi a (GMC, Ford ak Chrysler) twouve yo nan yon sitiyasyon ki tèlman grav, yo kapab fèmen pòt yo anvan lontan e lage anviwon yon milyon moun nan chomaj si gouvènman federal la pa ba yo kout-men yo bezwen an. N ap raple lidè konpayi sa yo te konparèt plizyè fwa devan komisyon bankè 2 chanm kongrè a pou yo defann koz yo.

Aprè blokay plan sovtaj la nan Sena a, gen palmantè ki lanse apèl bay prezidan George Bush pou mande l sèvi ak yon premye plan kongrè a te apwouve pou gouvènman federal la enjekte yon afè de 700 milya dola sou mache a pou anpeche sektè finansye a fè fayit. Sou vòt ki dewoule jedi swa nan Sena a, nou genyen reyaksyon pòt-pawòl Mezon Blanch la, Dana Perino, kòmantè lidè majorite a nan gran kò a, Senatè Harry Reid (Dem-Nevada), ak opinyon Senatè Richard Shelby (Rep- Alabama).

Pou plis detay sou "Echèk Yon Plan pou Sove Endistri Otomobil Ameriken an nan Sena a", klike sou lyen anlè a.

XS
SM
MD
LG