Accessibility links

Breaking News

Manifestasyon Pwotestasyon Nan Vil Gonayiv Pou Reklame Liberasyon Komisè Dorfeuille


Manifestan pran lari nan vil Gonaïves, (Depatman Haut Atribonite nan peyi Dayiti) pou mande otorite yo libere komisè polis vil la, Ernst Bouquet Dorfeuille, ki ta enplike, selon lapolis, nan asasinay Monique Pierre enkoni kidanepe e touye 29 novanm pase a.

Depi nan sware 2 desanm nan otorite lapolis yo mete Dorfeuille en detansyon apre depozisyon li te fè devan Pakè Tribinal Sivil Pòtoprens lan sou anlèvman ak lanmò Monique Pierre. Nouvèl ki sòti nan peyi Dayiti fè konnen Pierre ak komisè Dorfeuille te genyen relasyon santimantal--yon enfòmasyon prevni an pa ni demanti ni apwouve.

Men dapre Lapolis, asasinay Monique Pierre ke yo te jwenn mouri ak 2 bal ta makonnen ak yon afè dwòg, san plis detay.

Yon lòt kote, prezidan ayisyen an, René Préval nan La Havane, Cuba, kote lap patisipe nan Somè Peyi kominote Ekonomik Karayib la, Caricom. Objektif Somè a: diskite sou enpak kriz finansye mondyal la sou peyi nan rejyon an. Clarens renois ap devlope pwen sa a pou nou sou ralonj ki anlè atik la.

NB: Fè yon klik sou ralonj ki sou tèt atik sa a pou devlopman nouvèl yo ak konrespondan nou, Alfred Jean e Clarens Renois.

XS
SM
MD
LG