Accessibility links

Bank Santral Ozetazuni e Atravè Lemond Bese To Enterè yo


Bank Santral atravè lemond redui to enterè yo, nan kad yon aksyon kowòdone pou evite yon resesyon mondyal. Rediksyon to enterè yo rive nan moman Fon Monetè Entènasyonal (FME) fè konnen ekonomi mondyal la ap antre nan yon “peryòd gwo bès” e lap fè fas ak chòk “pi danjere” mache finansye peyi devlope yo janm anrejistre depi ane 30 yo.

Se mèkredi maten, bank santral Etazuni an, Rezèv Federal-la, anonse li bèse to enterè li yo. Bank Santral Ewopeyèn nan, ak Bank Santral nan Lagrand Bretay, Kanada, Lasuis, Lasuèd ak Lachin anonse tou ke yo redui to d’enterè yo.

Premye-Minis britanik la, Gordon Brown, deklare aksyon kowòdone sa a se yon “siyal enpòtan” ki fè wè lemond pral kolabore pou chache solusyon pwoblèm ekonomik yo. Bò kote pa li, sekretè Trezò Etazuni-an (konprann minis finans lan) Henry Paulson deklare efò ki sou pye pou soulaje pwoblèm kredi yo ap mache rapidman.

AKT. PAULSON:

Nou se yon nasyon puisan e rich ak resous ki ka ede n' fè fas ak defi nou genyen devan nou yo. Mwen gen konfyans ke, avèk bon politik-la, avèk tan e avèk jèfò, nou pral simonte defi sa yo tou.

(FEN AKT)

Msye Paulson fè konnen tou ekip espesyalis ki pral travay sou plan 700 milya dola gouvènma-an---plan ki vize achte nan men enstitisyon finansyè yo move prè ipotekè yo te fè---pral sou plas anvan fen semèn nan e yo kapab koumanse achte move prè yo nan 2 semèn.




XS
SM
MD
LG