Accessibility links

Breaking News

Lig Chanpyon KONKAKAF la Demaré


Foutbòl/ KONKAKAF

Klub Kosta Riken Deportivo Saprissa wouze DC United sou yon skor 2 a 0 nan group A Lig chanpyon KONKAKAF la. foutbolè kostariken Walter Centenio ak Jario Arrieta make 2 gòl ki ta pral ede ekip yo-a ranpote laviktwa respektivman nan premye ak 2 zièm mitan an kont DC ki jwe pifò match la ak 10 jwè dufèt ke abit Meksiken Marco Rodriguez te ekspulse Mc Tavish depi nan 35 kièm minit premye mitan an.
Antrenè Saprissa, Jeaustin Campos, ki pat vle pale sou desizyon abit la te pran pou l mete yon jwè DC UNITED deyò, konsidere viktwa a kòm yon viktwa ekstraordinè.

“Mwen pa tap ezite yon sekond pou m dakò ak tout moun ki ta di lap difisil pou ranpòte la viktwa an deplasman nan Washington. Se pou la premyè fwa nou ranpòte yon viktwa ofisyèl Ozetazuni--se yon 3 pwen nou konsidere kòm yon 3 pwen an nor e ki pral pèmèt nou konsantre pi byen sou pwochen faz-la.” Deklarsyon msye Campos fè apre rankont la.

Bò kote pa l antrenè DC United la Tom Soehn kwè li difisil pou ranpòte la viktwa lè wap evolye a 10 kont 11.
“Yon katon wouj pandan yon rankont afekte w anpil. Malgre tou ti mesye yo pat dekouraje -yo te eseye remonte defisi a malerezman gadyen Kosta-Rika-a te fè anpil efò pou l sove ekip li-a nan plizyè okazyon.” Msye Soehn kwè lòt rezon ki fè yo pèdu rankont la se akoz yon seri de jwè ki pat disponib akoz blesu.

Nan lòt rankont ki jwe nan group B a San Francisco fè match nul 1 a 1 ak Pumas UNAM. Porto Riko Islanders kale klub Panameyen Tauro FC 2 a 1.
2 premye nan chak group yo pral kalifye pou pwochen faz semi-final-la.

Foutbòl / Eròp

Lig Chanpyon ewopeyen-an ap kontinue jodi-a: Manchester United ap kòmanse defann tit-li lè lap akeyi lakay-li klub espayòl Vilareal nan Gwoup E-a. Real Madrid bò kote pal ap akeyi nan Stad Santiago Bernabeou klub Belarus Bate Borisòf nan Gwoup H-la. Nan menm Gwoup- sa-a Jouventous de Turin ap jwe an deplasman an Rusi kont Zenit Sen Pitersbourg. Gwoup : Arsenal kont Dinamo de Kyèv. Bayern de Munik kont kont Steaua Boukarès nan Woumani.

Yè Madi a Klub Footbal Angle Chelsea wouze klub Franse Bordo 4 a 0. Liverpool remonte yon defisi pou l kale Marseille 2 a 1 epi Barselòn suprann klub Portugè Sporting Lisbòn 3 a 1. Inter de Milan wouze Panathinaikos 2 a 0. AS Wòm tonbe devan yon klub enkonu CFR Cluj de Woumani 2 a 1. Werder de Brem fè match nul 0 a 0 ak klub chipriyòt Anorthosis Famagusta. Atletico de Madrid danse sou PSV Eindhoven 3 a 0. FC Bal tonbe devan Shakhtar Donesk 2 a 1.

Foutbòl / FIFA

FIFA fè konnen li ouvè yon ankèt sou akuzasyon kòmkwa atakan anglè Emile Heskey ta viktim anba pwopo rasis fanatik koat-yo pandan match kalifikatif mondyal 2010 kont Lakwasi nan vil Zagrèb.

Foutbòl / Koup du Mond

Semi final retou eliminatwa koup du mond Afrik du Sud 2010 la ap kòmanse nan dat 11 Oktòb , sètadi lè Kosta Rika pral gen pou’l jwe lakay Surinam, Ayiti limenm pral akeyi ekip Salvador-a. Kanada , bor kote pa’l, pral fè yon kout pye lakay Honduras, e Jamayik ap akeyi Meksik. Etazuni gen pou’l akeyi Kuba sou teritwa ameriken-an epi Trinidad and Tobago pral lakay Gwatemala.

Kèk pami peyi sa yo ap ogmante chans pou yo kalifye pou ekzagonal final la si yo ranpòte la viktwa--se ka pou Meksik, Honduras, Etazuni Gwatemala, Trinidad and Tobago, Kosta Rika ak Salvador-. Gen lòt peyi yon defèt ap vle di tou senpleman eliminasyon pou faz final konpetisyon an. Se situasyon pou Ayiti, Surinam, Kuba, Jamayik ak Kanada a mwens ke yon mirak spòtif ta fèt pandan seri retou a.


Kèk seleksyon deja fè chanjman akoz movèz pèfòmans yo renmèt nan match ale a. Jamayik deja revoke staf teknik la ki te gen nan tèt li antrenè Brezilyen Rene Simoes epi federasyon football ayisyen an ranvwaye debutan antrenè Wagneau Eloi.
Wagneau Eloi souliyen li pa premye antrenè ke federasyon an revoke brid soukou non plis tou li pap dènye antrenè kap subi sò a.


Nan yon koferans pou la près prezidan Federasyon football Ayiti a Dr Yves Jean Bart bay weekend pase a li fè konnen federasyon an dozado ak ansyen antrenè a ki pran desizyon pou’l asiyen buwo federal foutbol ayisyen-an ki revoke’l alasuit move prestasyon seleksyon nasyonal peyi Dayiti nan match eliminatwa pwochen koup dumond-la.
Wagneau Eloi, se 4 trièm antrenè ki lanse yon pousuit judisyè kont fedrasyon foutbol ayisyen-an. Lòt 3 antrenè ki te antreprann yon demach nan menm sans-la, se Jorge Hugo Castelli, Fernando Clavijo ak Luis Armelio Garcia.

Pasaj ouragan ak tanpèt tropikal ki frape Ayiti ant mwa out ak mwa septanm-nan afekte seryezman klub football yo. soti sou footballè ki san zabri,an pasan pa teren ki enpratikab san bliye lefèt ke dlo bwote materyèl klub yorann li difisil pou chanpyona nasyonal-la kontinue. Patrice Dumond, kronikè spòtif e antrenè yon lekòl football pou adolesan, kwè li nesesè pou chanpyona a kanpe pou pèmèt dirijan yo evalue situasyon an.

Foutbòl / Koup du Mond U-20

Seleksyon football Juniò feminen ameriken ap rankontre la Chin, Arjantin ak la Frans nan group B koup du mond footbal feminen kap kòmanse 19 Novanm pou fini 7 Desanm 2009 nan peyi Chili.
Kanada trouve l nan group C a ansanm ak Japon, Republik Demokratik Kongo ak Almay. Pandan ke Meksik nan group D a ansanm ak Brezil, Norvèj ak Kore du Nò. Nan group A a gen Angletè, Nouvèl Zeland, Nijerya ak Chili. Tiraj osò a te dewoule Samdi 13 septanm-nan nan kapital chilyèn-nan kote tounwa a pral dewoule soti 19 Novanm pou fini 7 Desanm 2009.

Foutbòl / Amerik du Sud

Antrenè seleksyon nasyonal Kolonbi a Jorge Luis Pinto pèdu djòb la apre 2 defèt konsekutif seleksyon an subi nan eliminatwa koup du mond Afrik du Sud 2010 la pou zoèn Amerik du Sud. Kolonbi klase 6 zièm apre 6 rankont.

Foutbòl / Etazuni

Lig football pwofesyonèl feminen ameriken an ap pare pou l lanse an Avril 2009 ak patisipasyon 7 klub. An 2010 yap ajoute 3 nouvo klub. Lig sa a ap ranplase ansyen chanpyon football feminen an ki te disparèt an 2003.

Baskètbòl / Etazuni

Faz final chanpyona basketball feminen ameriken apre 12 edisyon sezon regulye a fini ak patisipasyon 8 ekip. Responsab NBA David Stern pale de entansyonn pou l ajoute de lòt klub an 2011 pou rive a 16. Faz final la ap kòmanse demen Jedi a lè Connecticut Sun ap rankontre New York Liberty nan konferans de Lès la epi Sakramento Monach ap akeyi San Antonio Stars an konferans de Lwès la. Vandredi Detroit Shok pral mate balon fas a Indiana Fever epi Los Anjeles Sparks kont Seattle Storm.

Siklisme

Siklis Bèlj Tom Boonen ranpòte 16 zièm etap kous bisiklèt Tour dEspay la men siklis espayòl Alberto Contador




XS
SM
MD
LG