Accessibility links

Angletè Mande FIFA Mennen yon Ankèt


Foutbòl/ FIFA

Federasyon Football Angle a mande yon ankèt sou pwopo rasis fanatik yo tap lanse nan vil Zagrèb pandan match koup du mond kont Kwasi yè Mèkredi a--yon rankont Angletè ranpòte 4 a 1. Yon responsab federasyon Kwat la di slogan yo te izole.

Foutbòl / KONKAKAF

Balon an pat woule byen pou yon seri de peyi nan KONKAKAF la nan dènye jounen match ale semi final eliminatwa koup du mond la --peyi tankou Ayiti ki pèdu sou pwòp terenn 3 a 1 fas a Kosta Rika. Salvador ap amelyore apre viktwa 2 a 0 yo ranpòte devan Surinam nan group C a. Kosta Rika gen 9 pwen nan group la epi Salvador an 2 zièm pozisyon ak 6 pwen. Nan group B a Meksik kale Kanada 2 a 1 epi Jamayik tonbe 2 a 0 devan Honduras. Meksik ap domine group la ak 9 pwen answit nou jwen Honduras ki gen 6 pwen. Nan group A Gwatemala pran destenn an men apre li wouze Kuba 4 a 1 epi Trinidad and Tobago tonbe 3 a 0 devan Etazuni. Anyen poko finn deside pou group sa a malgre Etazuni gen 9 pwen-Trinidad and Tobago ak Gwatemala yo chak gen 4 pwen. 2 premye nan chak group yo ap kalifye pou ekzagonal final la.
Seleksyon sa yo ap retounen sou teren an le 11 Oktòb pou match retou a.

Foutbòl / Amerik du Sud

Nan Amerik du Sud la Brezil fè match nul 0 a 0 ak Bolivi. Perou fè match nul 1 a 1 ak Arjantin. Chili danse sou Kolonbi 4 a 0. Urugwe fè match nul 0 a 0 ak Ekwatè.
Apre rankont yè Mèkredi a Paragwe nan tèt group la ak 17 pwen devan Brezil, Arjantin ak Chin ki gen 13 pwen yo chak. Urugwe klase 5 kièm.

Foutbòl / Eròp

Almay rache yon match nul 3 a 3 fas a Findland nan eliminatwa koup du mond pou kontinan Eropeyen an. Nan Lisbòn Portugal tonbe devan Danmak 3 a 2. Bòn nouvèl pou antrenè seleksyon Angle a Fabio Capello apre viktwa seleksyon an ranpòte devan Kwasi 4 a 1 nan Zagreb. la Frans ranpòte yon viktwa a domisil fas a Sèbi 2 a 1 pou fèmen bouch kritik yo. Itali ranpöte yon viktwa tou mens 2 a 0 devan Jeòrji.

An Afrik Zambi ranpòte yon viktwa tou mens 1 a 0 devan Togo pou l pran tèt group 11 la ak 7 pwen.Sou kontinan Azyatik la Kore du Nò fè match nul 1 a 1 ak Kore du Sud. Nan zòn Oseyani a Nouvèl Zeland danse sou Nouvèl Kaledoni 3 a 0. Viktwa ki kalifye Neozelandè kap gen pou jwe yon match de baraj kont peyi ki klase 5 kièm sou kontinan Azyatik la pou yon plas nan faz final koup du mond la.

Basketbòl / Celtics

Responsab yo nan Boston Celtics pwolonje pou 3 zan kontra antrenè Doc Rivers apre li ede ekip la ranpòte chanpyona nasyonal la pou sezon-2007-2008 la. Rivers ap resevwa plis pase 5 milyon dola chak ane. Boston te fini sezon regulye a ak 66 viktwa-16 defèt.

Atletis/ Dròg


Federasyon Entènanasyonal Alterofili pran yon sanksyon avi pou 2 alterofil Bulgar epi tout rèsk ekip la resevwa yon suspansyon 4 tran akoz yo te teste pozitif pou dròg entèdi avan dewoulman je zolenpik yo.
Federasyon Alterofil Bulgar la gen pou l peye yon amand 465 mil dola. Nap raple seleksyon alterofil maskulen ak feminen Bulgari a pat patisipe nan je zolenpik Peken yo 11 atlèt te teste pozitif akoz yo te konsome metandienon. Atlèt rejte akuzasyon yo.

Responsab Je Paralenpik yo entèdi pou 2 zan 2 alterofil andikape ki ta konsome dròg avan dewoulman je zolenpik yo. Atlèt sa yo se yon malyen ak yon Ukrenyen. Sa fè 4 atlèt ki ekspulse nan konpetisyon an. Avan sa otorite yo te ekspulse 2 andikape yon alman ak yon pakistanè.

XS
SM
MD
LG