Accessibility links

Breaking News

Ed Entènasyonal pou Ayiti Aprè 4 Siklòn Frape Peyi a nan Mwens Pase 3 Semèn



Ann Ayiti, yon pòtavyon ameriken ap pote konkou l nan efò sekou yo aprè 4 siklòn, nan yon espas 3 semèn sèlman, te fè dega ak victim atravè peyi a. Kòmandan pòtavyon an, Frank Pons, ki pale ak Ronald César, bay detay sou misyon pèsonèl bato a ap ranpli pou ede popilasyon sinistre yo.

Yon lòt kote, nan kad misyon sekou Lèzetazini voye ann Ayiti a, 3 elikoptè ameriken te nan vil Okay madi 9 septanm nan pou distribiye asistans nan Depatman Sid la. Korespondan nou Jean-Hersnt Eliscar fè n konnen wout ki kraze ak difikilte deplasman lakoz èd pa ka rive nan anpil zòn.

Nan vil Hinche, nan Plato Santral la, yon operasyon netwayaj sou pye pou fè pwòpte nan komin nan aprè move-tan te fè anpil dega nan rejyon an. Daprè korespondan nou Saintilus Augustin, operasyon sa a se yon yon travay an tèt ansanm ant mèri a ak òganizasyon sekou entènasyonal Visyon sou Lemond (World Vision).

Anfen, Lakwawouj Ayisyèn ap travay pou l pote asistans nan anpil zòn ki viktim anba siklòn yo. Prezidan Kwa Wouj la, Doktè Michèle Gédéon, ban nou yon lide sou jan sitiyasyon an prezante pou jounen mèkredi 10 septanm 2008 la. An plis prezidan Lakwawouj Ayisyèn, Doktè Gédéon se manm Federasyon Entènasyonal Sosyete Kwa Wouj ak Kwasan Wouj. Li reponn kesyon Lyonel Desmarattes nan Demokrasi ann Aksyon.

Klike sou lyen anlè a pou w tande devlopman nouvèl sa yo

XS
SM
MD
LG