Accessibility links

Breaking News

Brezil Degrengole nan Klasman FIFA a


Football

Espay se numewo 1 nan klasman jeneral FIFA publiye chak mwa pandan ke Almay ranplase Itali an 2 zièm pozisyon. La Oland klase 4 trièm Kwat klase 5 kièm epi Brezil tonbe an 6 zièm pozisyon devan Arjantin ki klase 7 tièm. Answit nou jwen Republik Tchèk, Portugal ak la Rusi pou konplete 10 premye yo. Etazuni klase 31 nièm devan Meksik
Nan Karayib Kuba klase 80 tièm devan Trinidad and Tobago ki an 92 zièm pozisyon Ayiti klase 123 zièm dèyè Jamayik, Guyan ak Bermud.

FIFA eksprime desepsyon apre Tribunal Spòtif Entènasyonal dakò pou klub yo pa libere footbalè ki gen mwen de 23 zan pou jwe nan je zolenpik yo. FIFA di li respekte desizyon tribunal la men opinyonn pap chanje. FIFA remèsye klub ki pèmèt jwè yo patisipe nan je zolenpik yo. 2 klub Alman Shalke 04 ak Werder de Brèm plus FC Barselòn te ale an apèl ak demand FIFA te fè tout klub yo pou libere jwè yo ki gen mwens de 23 zan ki tap pèmèt patisipe nan je zolenpik yo. Msye Blatter voye yon lèt tou louvri bay klub sa yo pou yo pa raple jwè yo ki deja an Chin nap pale de Leonel Messi, Rafinha ak Diego.

Football/ Je Zolenpik


Etazuni tonbe 2 a 0 devan la Norvèj nan tounwa football olempik feminen ki demare jodi a an Chin. Nan group G a Japon fè match nul 2 a 2 ak Nouvèl Zeland. Brezil ak Almay fè match nul 0 a 0 pandan ke Kore du Nò ranpòte yon viktwa tou mens 1 a 0 devan Nijerya. Bon debu pou Kanada ki kale Arjantin 2 a 1 pandan ke la Chin te fè kè fanatik yo kontan ak yon viktwa 2 a 1 devan la Swèd.


Football/ Super Liga


Finalman New England Revolution ranpòte yon chanpyona football. Yè swa New England kale Houston Dinamo sou tir de penalite 6 a 5 nan yon match maraton kote 2 belijeran yo te fini nul 2 a 2 apre pwolongasyon nsn koup Super Lig la.

Aswè a nan New York Barselòn ap rankontre ak Red Bulls an preparasyon avan chanpyona Espayòl.

Football / KONKAKAF


Ekip minim feminen Ayiti tonbe 3 a 0 devan Jamayik
Kar de final chanpyona U-17 la ap demare jodi a lè Kuba ap rankontre Bermud. Jamayik kont Gwadeloup, Ayiti kont Sen Vensan e Grenadin epi Trinidad and Tobago kont Republik Dominikè n. Tout match sa yo ap dewoule aswè a.


Football / US


QB ekip Green Bay Packers la Brett Favre, ki soti an retrèt pa sanble lap kontinye jwe pou klub la plis pase 24 trè apre responsab football zèpòl kare a te re-entegre l nan ekip la, Dapre deklarasyon antrenè Mike McCarthy fè byenta yè swa apre plizyè meeting li te genyen ak Favre.

XS
SM
MD
LG