Accessibility links

Revizyon nan Pakour Tòch Olenpik la


Je Zolempik/ Jacques Rogge

Komite Olenpik Entènasyonal la anonse li pral revize pwosedu yo swiv pou relè tòch olenpik la avan dewoulman je zolenpik apre yon seri de pwotestasyon mondyal ki fèt pandan parkour tòch la Je zolenpik Peken 2008 la. Prezidan Komite Olenpik Entènasyonal la Jacques Rogge di seremoni alumaj tòch la ap toujou dewoule nan vil Olenpia an Grès men li di komite ekzekutif la kapab limite parkour tòch la sèlman sou fwontyè peyi òganizatè a. Se jodi a fla m Olenpik la rive nan vil Peken kote li pral siyone vil la juska Vandredi.

Olenpik / Atletisme

Namibyen Frankie Fredericks elu kòm prezidan komisyon Atletism komite Olenpik Entènasyonal la pou yon dure 2 zan.. Fredericks ap ranplase Ukrenyen Sergey Bubka, ki kapab elu kòm manb komite Olenpik entènasyonal la nan vil Peken.
Entènasyonal brezilyen Ronaldinyo , nouvo jwè Mil;an Ac deklare jodi-a li pare pou ede Brezil ranpòte jeu Zolempik sa-yo, yon konpetisyon brezilyen poko janm ranpòte.
Chanpyon natasyon peyi Lafrans Laure Manaudou rive jodi-a nan Peken .

Football/ KONKAKAF U-17


Nan Trinidad kote chanpyona Unyon Footbal Karayib la ap dewoule pou mwens de 17 yo la Dominik kale Turk and Caicos 2 a 0 yè swa pandan ke Kuba danse sou St Vensan et Grenadines 10 a 0 nan group A a. Nan group C a Zile Kayiman yo krabinen St Kitts and Navis 2 a 0. Ayiti fini an tèt nan group sa a sk 6 pwen. Nan group D a Trinidad and Tobago pat gen pitye pou Aruba ke li wouze ak gòl 9 a 0. Nan group E Antiy Neerlandèz fè match nul ak Antigua e Barbuda 2 a 2. Jamayik ranpòte yon viktwa tou mens devan Republik Dominikè n 1 a 0. Situasyon fasil pou Gwadeloup ki wouze Surina m 6 a 0.
Venkè chak group yo ak 2 meyè 2 zièm ap kalifye pou kar de final la kap kòmanse Mèkredi 6 Out la. Semi final ak final la ap jwe le 8 ak 10 Out. Finalis yo ap kalifye pou chanpyona Konkakaf mwens de 17 tan ki gen pou dewoule O Meksik ane pwochè n.

Demen Mèkredi a Gwatemala ap rankontre Bolivi isit Washington an preparasyon eliminatwa koup du mond Afrik du Sud 2010 la. Aswè a Houston Dinamo kont New England Revolution nan final tounwa anuèl koup Super Lig la ki dewoule ant 4 klub Meksiken ak 4 klub ameriken.

Tennis/ Klasman

Espayòl Rafael Nadal ak Sèb Jelena Jankovic ranmase ase pwen pou yo okipe numewo 1 tenis mondyal maskulen e feminen. Swis Roger Federer ki okipe tèt klasman jeneral la pandan 235 semen ap pèdu pozisyon an 18 Out lè Nadal ap ranplase l.. Jelena Jankovic ap okipe pozisyon numewo 1 mondyal kategori feminen le 11 Out nan plas konpatriòt li Ana Ivanovic ki pase 9 semen kòm numewo 1 tenis mondyal feminen an.

Basketball/ USA

Detroit Pistons siyen yon kontra 2 zan ak Kwame Brown. Dapre nouvèl yo msye kapab touche 4 milyon dola pou sezon an.

Toujou nan Basketball seleksyon basketball ameriken pase yon move moman avan li kale Ostrali 87 a 76 nan Shangai. Se dènye rankont preparasyon ekip de rèv ameriken yo ap jwe avan yo mete tèt pou Peken kote yo pral patisipe nan je zolenpik yo. Sa fè ameriken yo 5 kièm viktwa afile ameriken yo ranpòte. Ameriken yo ap kòmanse tounwa a Dimanch fas a la Chin.

Meda m ameriken yo kale Ostrali tou 71 a 67. Viktwa ki pèmèt ameriken yo ranpòte tounwa Federasyon Entènasyonal Basketball la ap dewoule an Chin.



XS
SM
MD
LG