Accessibility links

Prezidan René Préval Mande Yon  Ankèt Serye Apre Aksyon Militè Demobilize yo Nan Nò Peyi a


Lidè ayisyen an fè reklamasyon sa a apre yon ti gwoup militè demobilize avèk apui apeprè yon santèn moun nan popilasyon an te okipe lokal ansyen prizon vil Kap-Ayisyen an ak yon ansyen kazèn lame nan vil Ouanaminthe pou reklame retablisman Lame Dayiti ak peyman lajan salè Leta ayisyen ta dwe yo. Gwoup la te fini pa rann tèt li apre yon delegasyon gouvènmantal te tande doleyans li te genyen pou eksprime, men eleman ki okipe kazèn Ounaminthe lan te toujou nan lokal la vandredi apre midi premye out la. Antretan, nan vil Hinche, nan rejyon Wo Plato Santral la, korespondan nou, Sainlus Augustin, di n' ansyen militè demobilize nan zòn sa a menase pou yo pase alaksyon si otorite yo ta maltrete ansyen kòlèg militè yo.

Sou plan politik tou pi, pòtpawòl Pati Fuzyon an, Micha Gaillard, fè konnen prezidan Préval te jwenn yon antant ak reprezantan Pati Politik yo anvan komisyon ratifikasyon Sena a te apwouve premye minis Michèle D. Pierre-Louis--antant ki pèmèt ratifikasyon premye minis pwopoze a jedi 31 jiyè a.

Ale sou ralonj ki sou tèt atik sa a pou plis detay ak jounalis Serge Rodriguez e Jacques Jean-Baptiste.

XS
SM
MD
LG