Accessibility links

Federer ap Pote Drapo Peyi l nan Je Zolenpik yo


Swis/ Olympics

Swis Roger Federer ap pote drape peyi l nan seremoni douvètu je zolenpik. Federer ak gen 27 tan menm jou seremoni douvètu a ap dewoule. Se pou la 2 zièm fwa Federer ap pote drapo peyi a

Tennis

Defèt an 3 manch Swis Roger Federer sot subi devan Kwat Ivo Karlovic 7-6, 4-6, 7-6 kapab koz li pèdu numewo 1 mondyal la an favè espayòl Rafael Nadal. Federer kenbe nan tèt numewo 1 mondyal pandan 235 semen afile-ki se yon rekò.

Polonè Agnieszka Radwanska ak Slovèn Katarina Srebotnik kalifye pou semi final tounwa tenis kap dewoule nan vil Stokholm an Swèd.

Olypics/ Medya

Otorite chinwa yo anonse ap pèmèt jounalis etranje kap kouvri je zolenpik yo aksè nan yon pati sou sit entènèt la ke yo te bloke. Komite Olympik Entènasyonal la fè konnen otorite chinwa yo dakò pou leve entèdiksyon an pati apre yon rankont ki te dewoule yè aprè midi.

Prezidan Chinwa a Hu Jintao fè konnen je zolenpik Peken 2008 yo pa ta dwe tounen yon forum politik pou eksprime grièf pou w exprime sousi soui kesyon dwazumen peyi a. Msye Hu di tou konpetisyon an ap kite yon eritaj pou peyi a pandan plizyè lane. Responsab la di gras ak je yo peyi utilize inovasyon teknolojik ak syantifik tankou pano solèr pou alimante building ak enstalasyon spòtif yo.

Olympics/ Sharapova

Jwè tenis Rus Maria Sharapova pap patisipe nan je zolenpik yo ankò akoz yon blesu nan zèpòl. Manmzèl espere desizyon ap pèmèt li geri pou l patisipe nan tounwa tenis US Open nan dènye tounwa tenis Gran Shelem pou ane a.

Football /Ameriken
REsponsab lig football zèpòl kare ameriken an Roger Goodel fè konnen lap tann Quaterback Bret Favre jwen yon antant ak ekip Green Bay Pakers avan li aprouve retou l nan NFL la. Favre, ki te pran retrèt li an Mas, te fè yon demand ofisyèl pou l soti nan retrèt li.

Basketball

Basketè Soudanè Luol Deng siyen yon kontra 6 zan ak
Chikago Bulls pou 71 milyon dola e kapab resevwa juska 80 milyon dola kòm prim dankourajman.

Football /MLS


Mitan lig Chikago Fire Cuautemoc Blanco resevwa yon suspansyon 6 match nan koup US Open ou byen 2 zan kèlke swa chif ki pi gran an. Meksiken an resevwa suspansyon akoz li pap kite teren an alhè apre li te resevwa yon katon wouj epi li te bay yon jwè DC United yon kout tèt nan moman li tap abandone teren an. Ensidan an rive pandan yon match koup US Open nan . Lig football balonwon ameriken an kapab pran sanksyon kont footballè Meksiken an.s
Nan lig football balonwon ameriken an demen Samdi a Kansas Citi Wizards ap rankontre DC United isit Washington. Yon match enpòtan pou 2 klub yo ki klase 4 trièm nan konferans de Lès la ak 22 pwen yo chak.
Chikago Fire ap akeyi Chivas USA epi Kolonbus Crew pral lakay Houston Dinamo. Dimanch Los Anjeles Galaksi pral lakay San Jose Earthquake. Toronto Raptors ap akeyi Dallas.

Klub football Alman Werder de Brèm di li prale an apèl ak desizyon FIFA pran pou fòse l libere jwè klub la pou yo al patisipe nan je zolenpik yo. Shalke 04 ak FC Barselòn yo menm tou manifeste entansyon yo pou ale an apèl ak desizyon FIFA a. Tounwa football la ap demare Jedi pwochen yon jou avan seremoni douvètu je zolenpik yo.




XS
SM
MD
LG