Accessibility links

Breaking News

Arjantin, Itali ak Portugal Kalifye pou Kar de Final


Football/ Koup du Mond de Plaj

Arjantin kalifye pour kar de final chanpyona du mond de plaj kap dewoule nan vil Marseille an Frans gras ak yon swif 5 a 2 li pase Emirat Arab Uni yo nan group C a. La Rusi toujou gen yon chans pou l kalifye pou kar de final la apre li elimine Kameroun ak yon rakle 4 a 0. Espay kapab kalifye tou apre viktwa 2 a 1 yo ranpòte devan Meksik. Chanpyon sòta an Brezil pilon-nen Japon 8 a 1. An plis de Arjantin, Portugal ak Itali kalifye pou kar de final la.

Tounwa Super Lig

DC United elimine nan mini chanpyona Super Lig ant 4 klub Meksiken ak 4 klub ameriken apre yo tonbe Samdi 3 a 1 devan Houston Dinamo isit Washington Samdi. Nan lòt rankont ki jwe yè Dimanch la Chivas USA fè match nul 1 a 1 ak New England Revolution epi Pachuca fè match nul 1 a 1 ak Santos Laguna

Football / USA

Nan lig footbal balonwon ameriken an San Jose Earth Quake fè match nul 0 a 0 ak Toronto Football klub. Los Anjeles Galaksi fè match nul 2 a 2 ak New York Redbulls. Real Salt Lake rache yon nul nan men
Chikago Fire 0 a 0 san bliye Kolorado Rapids fè match nul 2 a 2 ak Dallas.

Jimnastik / USA

Chanpyon Jimnaz Olenpik ameriken Paul Hamm jwen plas nan ekip olenpik ameriken an malgre bra dwat li te kase an Me pase.


Olempik / Basketball

Dirk Nowitzki make 32 pwen pou ede Almay toupizi Porto Riko 96 a 82 an mè m tan jwen yon plas nan faz final je zolenpik Peken yo. An plis de Almay, Kwasi ak la Grès kalifye tou.

Cyclisme

Siklis Ostralyen Simon Gerrans ranpòte 15 zièm etap kous bisiklèt Tour de Frans la men Luksanbourjwa Frank Schleck pran tèt klasman jeneral la.

Tennis

Franse Gilles Simon ranpòte tounwa tenis Indianapolis la apre li suprann chanpyon an tit Rus Dmitry Tursunov ak 2 kout rankèt 6-4, 6-4.

Aleksandra Wozniak tounen premye jwè tenis Kanadyen ki ranpòte yon tounwa tenis pwofesyonèl feminen depi 20 tan. Woziak wouze franse Marion Bartoli 7-5, 6-3 pou l ranpote tounwa tenis Stanford la.

Espayòl Fernando Verdasco surviv yon match maraton avan li kale Rus Igor Andreev 3-6, 6-4, 7-6 pou l ranpòte tounwa tenis Open Kwasi a.

XS
SM
MD
LG