Accessibility links

Yon 2 zièm Siklis Teste Pozitif nan Tour de Frans la


Siklis

La polis arete siklis Espayòl Moises Duenas Nevado apre li teste pozitif pou uzaj dròg nan 4 trièm etap kous bisiklèt Tour de Frans la.Arestasyon an rive apre otorite yo debake nan otèl kote ekip siklis la tap dòmi. Sa fè 2 zièm siklis ki teste pozitif pou uzaj EPO depi konpetisyon an kòmanse.

Siklis Kuben Pedro Pablo Perez trouve l nan Koma apre yon aksidan machin-sa vle di msye ap rate je zolenpik Peken 2008 yo.

Tennis

Franse Jo-Wilfried Tsonga, Otrichyen Stefan Koubek, Italyen Karin Knapp pap patisipe nan tounwa tenis je zolenpik yo akoz blesu.

Ameriken Rajeev Ram kapote franse Fabrice Santoro 7-6-6-4 nan tounwa tenis Indianapolis la. Brezilyen Thomas Bellucci elimine tou apre Kolonbyen Alejandro Falla ranpòte la viktwa 3-6, 6-4, 6-1.

Atletisme


Ajans Anti dopaj ameriken entèdi antrenè Trevor Graham pou l pa janm patisipe nan oken konpetisyon Etazuni òganize akoz li ede atlèt lap antrene yo sèvi ak dròg. Entèdiksyon an etann li sou tout federasyon entènasyonal ou lokal ki travay ansanm Ajans Anti Dopaj Mondyal la.

Atlèt Sud Afriken Oscar Pistorius ki gen 2 pye l koupe pral fè yon dènye tantativ pou wè s il ta kalifye pou je zolenpik Peken yo apre li finn patisipe an Swis.
Menm lè li sanble enposib pou kourè a kouvri distans 400 mèt la an 45 pwen 55 sekond-Pistorius espere amelyore rekò pèsonèl li de 46 pwen 36 sekond kapab pèmèt li jwen yon plas nan ekip relè 400 mèt Afrik du Sud la. Afrik du Sud ap anonse ekip relè 400 mèt la demen Jedi a.

Mwa Janvye pase a Federasyon Atletis Amatè Entènasyonal la te entèdi Pistorius patisipe nan kous ak atlèt ki pa andikape akoz fo pye li genyen ba l yon avantaj sou lòt atlèt yo. Men Tribunal Spòtif la te rejte entèdiksyon an. Pistorius te gen sèlman 2 mwa pou l prepare l.

Basketball/ Iran

Asosasyon Basketbal ameriken an envite seleksyon basketball Iranyen an pou l antrene isit Ozetazuni kèk semen avan dewoulman je zolenpik Peken yo. Iran gen pou l jwe 4 match chofe jarèt kont 2 ekip basketbal 2 zièm divizyon ameriken ak 2 ekip pwofesyonèl.

Football/ Superliga

DC United tonbe 3 a 2 devan klub Meksiken Atalante nan 2 zièm rankont tounwa football Super Liga kap dewoule ant 4 klub ameriken ak 4 klub Meksiken.





XS
SM
MD
LG