Accessibility links

Breaking News

Euro 2008 la Boulvèse Klasman FIFA a


FIFA/Football

Fifa publiye jodi-a klasman mansuel li-a. Espay , Chanpyon EURO 2008-la pran 3 plas pou-l tounen numewo 1---premye fwa nan istwa-l depi FIFA te vinn ak klasman-an an 1993. Itali , konsele l ak 2e plas-la pandan ke Almay, finalis maleureu EURO 2008-la , monte an 3e pozisyon devan Brezil ki tonbe an 4e plas. La Oland, numewo 5. Fòk nal nan 6e plas-la pou nou jwenn ansyen numewo 1-an, an palan de Arjantine. Kwasi, Republik Tchèk, Pòtugal, Lafrans konplete tablo 10 premye-yo---Top Ten-nan.

Etazuni pèdu 9 plas pou-l tonbe an 30e pozisyon.

Tennis / Wimbledon

4 gwo afich jodi-a pou de final kay mesye-yo : Lapli , te kanpe match ant Numewo 1 mondyal-la, suis Roger Federer ak koat Mario Ancic. Rezulta final la fini an favè Federer 6-1, 7-5, 6-4. Nan lòt rankont rus marat Safin ak espayòl Feliciano Lopez kap kwaze rakèt. Pita nan jounen-an , alma Rainer Schuettler ap jwe kont Arnault Clement ; e numewo 2 mondyal-la Rafaèl Nadal ap jwe kont britanik Andy Muray.

Kay medam-yo , gen posibilite pou 2 sè Williams-yo ---Serena ak Venus fè final jan yo te fè-l deja lè yo tap domine tenis mondyal-la. Vénus pral rakontre ak rus Elena Dementieva. e Serena ap jwe kont chinwaz Jie Zheng .

PLATINI/UEFA

Michel Platini , Prezidan Unyon Foutbòl Ewopeyen-an ak yon Komisyon Unyon ap fè yon vizit enspeksyon jodi-a nan peyi Poloy pou kontwole evolusyon travo enstalasyon-yo pou EURO 2012. Demen delagasyon sa-a ap gen pou ale nan peyi Ukrèn pou suit enspeksyon-an. Mesye Platini ap gen pou remèt komite egzekutif-la yon rapò nan seyans kap gen pou dewoule nan fen mwa-a nan vil Bòrdo ann Frans.


Kèk jwè seleksyon football franse a ansanm ak Michel Platini sugjere pou Raymond Domenech rete nan tèt seleksyon an. Konsèy Federasyon Football Franse gen pou reyuni demen Jedi a pou deside si Domenech ap rete nan tèt seleksyon an ou byen si yap revoke l. Zinedine Zidane soutni Didier Deschamp.

D,C United, Chikago Fire, New England Revolution, Seattle Sounders kalifye pou pwochen tou koup US Open nan. Tounwa a ap kontinye Madi pwochen lè DC United ap akeyi Chikago Fire.

Cyclisme

Federasyon Cyclis ameriken an anonse 21 sou yon total 24 siklis ap fè pati delegasyon Olenpik ameriken an. Siklis seleksyone pou reprezante Etazuni a pati de konesans yo.
Basketball

Univèsite Califòni nan Los Anjeles pwolonje kontra antrenè seleksyon basketball univèsite a Ben Howland pou 7 tan. Nouvèl yo pa di kantite lajan kontra a vo.




XS
SM
MD
LG