Accessibility links

Faz Dechoukaj Ero 2008 la ap Kòmanse Jodi a


Football/ Ero 2008

Kar de final koup dEròp dè Nasyon (faz dechoukaj la) ap demare jodi a lè Almay ap rankontre Pòtugal. Venkè rankont sa a ap rankontre nan semi final la venkè rankont kap jwe Vandredi ant Kwasi ak Turki.

Yè Mèkredi a, la Rusi suprann tout moun ak yon viktwa 2 a 0 sou la Swèd pou l pase nan kar de final la. Nan pwochen faz-la, Rus yo pral rankontre ak 11 nasyonal Olandè-a Samdi 21 jen-an. Espayòl-yo fini nan tèt group D a apre yon viktwa 2 a 1 yo ranpòte devan la Grès. Espay ap rankontre Itali Dimanch nan kar de final la.

Balon te woule tou nan Amerik du Sud la kote Bolivi suprann Paragwe ak yon viktwa 4 a 2. Arjantin kenbe Brezil an echèk nan Belo Horizonte kote 2 seleksyon nasyonal-yo fè yon match nul 0 a 0. Se menm rezulta (0-0) Ekwatè anrejistre lakay-li, nan vil Kito, nan yon match ki te mete l fas a fas avèk seleksyon nasyonal Kolonbi-a.

Nap retounen sou kontinan ewopeyen-an, pou n di ke Juventus de Turen dakò pou l peye yon amand 460 mil dola pou responsab-yo mete fen nan yon ankèt yap mennen sou yon seri de kont maltaye ki te sakaje football Italyen an an 2006. Daprè otorite football-yo nan Itali, klub Juventus de Turin ta mele byen fon nan seri eskandal sa-yo.

Tennis/ Melbourne

Rus Svetlana Lizmetspva elimine nan tounwa tenis Open East Melbourne-nan: li tonbe fas a Danwaz Caroline Wozniacki ki kale li sou yon skö 6-2, 6-2. Ostralyèn Samantha Stosur kalifye pou pwochèn faz-la apre fransèz Amelie Mauresmo deside abandone tounwa a.

Tennis / Oland

Rus Elena Dementieva te bezwen 2 manch pou l kale Woumè n Sorana Cirstea 6-2, 6-4 pou l kalifye nan semi final tounwa tenis Open Ordina nan Oland. Rus Dinara Safina kalifye pou semi final la apre Slovè n Katarina Srebotnik abandone rankont la.
Bò kote mesye yo franse Marc Gicquel kalifye pou semi final la apre li pase Otrichyen Jurgen Melzer 2 kout rakèt 6-3, 6-4. Arjanten Juan Martin Del Potro kalifye pou semi final tou apre li elimine franse Arnaud Clement 2-6, 6-3, 6-1.

Olympic Security / Chin

La Chin fè konnen lap deplwaye 100 mil fòs anti teroris kont menas pou dewoulman Je zolenpik yo kap kòmane an Out. Dapre komite òganizatè a ajan anti teroris yo kapab fè fas ak menas tankout atak chimik, dap piyanp sou otobus ak tout lòt fòm atak. Responsab yo di yo mete sou pye plis pase 500 plan sekurite, transpò, ensandi, anti teroris ak pwoteje pèsonalite etranje enpòtan kap vinn asiste konpetisyon an.



XS
SM
MD
LG