Accessibility links

Vil Moskou an Lyès nan Final Lig Chanpyon an


Football

Champions League Preview Chelsea ak Manchester United , 2 klub anglè debake depi yè Lendi a nan vil Moskou kote yo pral rankontre nan final Lig dè Chanpyon Eropeyen an. Ekip yo debake nan 2 ayeropò diferan. Menm situasyon an pou fanatik yo. Otorite-yo espere ke anviwon 40 mil fanatik Angle ap fè deplasman pou vinn chofe 2 klub yo.

Toujou an Ewòp : Komite egzekutif UEFA anonse ke pandan EURO 2008-la, responsab-yo ap anule katon jon-yo apre kar de final . Avan sa, yo te anule-yo apre faz premye tou a . Prezidanb UEFA-a ,fransè Michel Plantini deklare, komite-a pran desizyon-an pou meyè jwè-yo kapab rete pou final-la. An klèr si yon jwè pran yon katon jonn avan kar de final-la a, lap kapab kanmenm jwe demi final e menm final-la. Si jwè-a pran 2 katon jon ou yon katon wouj li supandu . Koup dewòp dè nasyon-an ap dewoule an tandèm ann Ostrali e ann Otrich soti 7 pou rive 29 Jwen.

An Ayiti Tanpèt de Sen Mak ranpòte chanpyona nasyonal ayisyen an.

Premye Minis Ostralyen Kevin Ruud fè konnen kongrè FIFA ke peyi a ap akeyi se pral okazyon pou pwove kapasite Ostrali pou l akeyi koup du mond football la an 2018. Nan okazyon an seleksyon football feminen an ap jwe yon match amikal kont Kanada avan mesye yo rankontre seleksyon Gana a.

Atakan Arjanten Carlos Tevez pa figure nan lis jwè antrenè arjanten an konvoke nan okazyon match amikal Arjantin gen pou jwe kont Meksik ak Etazuni mwa pwochen an.

Basketball

Chanpyon an tit NBA a San Antonio Spurs kalifye nan final konferans de Lwès la apre li kale anba redu New Orleans Hornets nan 7 tièm e dènye rankont seri semi final la 91 a 82. San Antonio ki ranpòte seri-a 4-3 , pral rankontre nan final konferans de Lwès la ak Los Anjeles Lakers demen Mèkredi a. Se konnye-a pral gen pale nan kay-la paske avan nou te konn pale par “ equipes interposées”.... Men konnye-a bab-po-bab.

A swè a final konferans de Lès la ap demare lè Boston Celtics ap akeyi Detroit Pistons nan yon seri 7 match. Venkè 2 konferans yo ap rankontre an final pou detèmine chanpyon sezon 2007-2008 la.

Tennis

Rus Nadia Petrova kale ameriken Lilia Osterloh san difikilte 6-1, 6-2 pou l pase nan 2 zièmm tou tounwa tenis kap dewoule nan Istanbul an Turki.

Yon komite endepandan ki tap ankete sou magouy ki ta genyen nan jwèt tenis pa gen twòp pwoblèm men dwe gen amelyorasyon. Komisyon an rekòmande fòmasyon yon komite anti korupsyon ak yon unite entegrite. Pami lòt rekòmandasyon yo pou pwosedu yo pi sevè, suspansyon yo pi long ou byen yon entèdiksyon avi pou moun ki ta vyole règleman yo.

IOC

Yon ekip enspektè Komite Olenpik Entènasyonal la ap fè yon vizit 3 jou nan vil Lond kote je zolenpik yo ap dewoule an 2012. Delegasyon an pral verifye pwogrè nan vilaj olenpik la ak Park Olenpik la ki situe nan Eès vil la. Yo gen pou rankontre komite òganizatè a ak nouvo majistra vil la Boris Johnson. Pami kè sote responsab yo genyen se ogmantasyon pri pou òganize konpetisyon an ki rive a plis pase 18 milyon dola san bliye kalandriye konstruksyon enstalasyon kap akeyi konpetisyon an.

Menm lè travay konstruksyon stad olenpik la ap kòmanse 3 mwa alavans pwoblèm poze sutou nan vilaj atlèt yo. Kontra konstruksyon yo poko siyen malgre konstruksyon yo kapab kòmanse an Jwen. Responsab yo nan komite òganizatè a di yo gen pou siyen yon akò pwovizwa pandan yo pwomèt pou aranjman finansye pou pwojè prensipal yo disponib nan fen ane a.

XS
SM
MD
LG