Komisyon Sena ayisyen an kap travay sou ratifikasyon premye minis deziye a, Ericq Pierre, resevwa yè lendi a pyès misye Pierre yo. Korespondan nou Rotchild Fancois Jr. di nou prezidan komisyon an, Michel Clérier, pale de mach-a-swiv ki dwe debouche sou ratifikasyon an, nan yon moman kote yon tyè manm Sena a gen pou kite pòs yo anvan lontan.
Nan ti koze ak kolaboratè nou Jn-Pierre Leroy, Senatè di malgre tout pawòl k'ap pale, komisyon an pa gen yon dat limit yo ba li pou li prezante rapò l' sou dosye Ericq Pierre yo. Sepandan li pa ekate posiblite pou ratifikasyon an ta fèt anvan semèn sa a bout.
Pou w koute repòtaj sila a, fè klik sou ralonj ki anlè foto a.