Accessibility links

Prezidan Ayisyen an Nonmen Yon Nouvo Premye Minis


Prezidan ayisyen an chwazi yon fonksyonè Bank Entèrameriken Devlòman pou pòs Premye Minis la. Apre plizyè jou kote bri t'ap kouri ale-vini sou nominasyon nouvo Chèf Gouvènman an, dimanch 27 avril la René Préval anonse chwa Eric Pierre ki, kounye a, gen pou li tann ratifikasyon Palman an.

Se pa premye fwa Eric Pierre jwenn nominasyon pou plas Premye Minis peyi Dayiti. Pandan 2 okazyon, Palman an pat ratifye li. Nominasyon 27 avril 2008 la rive kèk semèn apre pèp souvren nan plizyè vil ann Ayiti--Pòtoprens, Okay, Okap, Tigwav, Miragwàn elt.--te pran lari pou rele anmwe kont lavichè a. Zak vyolans ki te pete pandan pwotestasyon sa yo te koze lanmò omwen 6 moun, pami yo te gen yon sòlda Misyon Lapè L'ONU an, MINUSTAH.

Sena a te pran yon vòt non-konfyans kont Premye Minis Jacques Edouard Alexis ke anpil palmantè te akize dèske li pat' fè ase pou rezoud kriz lavichè a.

XS
SM
MD
LG