Accessibility links

Breaking News

Pap Benoît XVI Rive Madi Apre Midi 15 Avril la Ozetazuni


Plizyè milye ameriken akeyi Madi apre midi (15 avril 2008) Pap Benoit XVI kap fè yon vizit 6 jou Ozetazuni. Se premye vizit Souvren Pontif la depi eleksyon li nan ane 2005 nan tèt Legliz Katolik Womèn nan. Prezidan George Bush, premyè dam Laura Bush ak piti fi yo a, Jenna, te al akeyi Pap Benoît 16 nan baz aeryèn Andrews la--pa twò lwen vil Washington, D.C. Se premye fwa yon prezidan ameriken akeyi yon chèf d'Eta etranje nan baz la.

Foul la te chante tou "bon anivèsè" pou Pap la kap fete le 16 avril 81nyèm anivèsè nesans li. Mèkredi, prezidan George Bush dwe akeyi ofisyèlman Benoît XVI (ki te pran nesans nan peyi Almay) nan yon seremoni byenvenu djak-sou-djak sou gazon Mezon Blanch lan devan plizyè milye moun. Pandan vizit sa a, ki supoze dire 6 jou, lidè katolik la dwe selebre yon mès "en plein air " nan Washington ak nan Nouyòk. Li gen pou l' pran lapawòl tou devan dirijan Univèsite katolik yo, rankontre reprezantan lòt relijyon yo epi al lapriyè sou anplasman World Trade Center a--sit atak teworis 11 septanm 2001 yo kont Lèzetazuni. Sèten analys panse "pwen fò" vizit Pap Benoît XVI Ozetazuni an se pral diskou li gen pou l' pwononse nan Katye-jeneral Nasyonzuni an, nan Nouyòk, Vandredi 18 avril kap vini la a.

Ale sou ralonj ki sou tèt atik la pou n' koute yon kont-randu sou "debakman" Pap Benoît 16 madi nan Baz Aeryèn Andrews la.

XS
SM
MD
LG